ചെങ്ങന്നൂര്‍ ▪️ഉമയാറ്റുകര സെന്റ് തോമസ് ഓര്‍ത്തഡോക്‌സ് വലിയപള്ളിയില്‍ വി.മര്‍ത്തോമ്മ ശ്ലീഹായുടെ ഓര്‍മ്മപ്പെരുന്നാളിന് കൊടിയേറി.
വികാരി ഫാ.മത്തായി കുന്നില്‍, സഹവികാരി ഫാ.ഒബിന്‍ ജോസഫ് ഇറപ്പുഴ എന്നിവര്‍ കൊടിയേറ്റ് കര്‍മ്മം നിര്‍വ്വഹിച്ചു.
കണ്‍വന്‍ഷന്‍ യോഗങ്ങള്‍ 16, 17, 18 തീയതികളില്‍ നടക്കും. ഫാ. ബ്രിന്‍സ് അലക്‌സ് മാത്യു, ഫാ.ഡോ.കുര്യന്‍ ഡാനിയേല്‍, ഫാ.എബി ഫിലിപ്പ് എന്നിവര്‍ വചന ശുശ്രൂഷ നടത്തും.
20ന് വൈകിട്ട് റാസ, തുടര്‍ന്ന് ശ്ലൈഹീക വാഴ് വിന് വലിയ മെത്രാപ്പോലീത്ത കുറിയാക്കോസ് മാര്‍ ക്ലിമ്മീസ് മുഖ്യ കര്‍മ്മികത്വം വഹിക്കും.
21ന് വി.മൂന്നിന്മേല്‍ കുര്‍ബ്ബാനക്ക് ഏബ്രഹാം മാര്‍ സ്‌തേഫാനോസ് മെത്രാപ്പോലീത്ത മുഖ്യ കര്‍മ്മികത്വം വഹിക്കും. തുടര്‍ന്ന് ആശീര്‍വ്വാദവും നേര്‍ച്ചവിളമ്പും നടക്കും.
പെരുന്നാള്‍ ക്രമീകരണങ്ങള്‍ക്ക് വികാരി ഫാ.മത്തായി കുന്നില്‍, സഹവികാരി ഫാ.ഒബിന്‍ ജോസഫ് ഇറപ്പുഴ, ട്രസ്റ്റി ജൂണി കുതിരവട്ടം, സെക്രട്ടറി പി.വി സഖറിയ പുന്നക്കാട്ട് എന്നിവര്‍ നേതൃത്വം നല്‍കും.
