ചെങ്ങന്നൂര്‍ ▪️ കാറും സ്‌കൂട്ടറും കൂട്ടിയിടിച്ച് ഉണ്ടായ അപകടത്തില്‍ സ്‌കൂട്ടര്‍ യാത്രികന്‍ മരിച്ചു.
തിരുവന്‍വണ്ടൂര്‍ കോലടത്തുശേരി പാലയ്ക്കാട്ട് വീട്ടില്‍ ഗോപാലകൃഷ്ണന്‍ (ഗോപാലി-60) ആണ് മരിച്ചത്.
ബുധനാഴ്ച രാത്രി 10 മണിയോടെ എംസി റോഡില്‍ കുറ്റൂര്‍ ഗവ:ഹയര്‍ സെക്കന്ററി സ്‌കൂളിനു സമീപം ആയിരുന്നു അപകടം.
തിരുവല്ല ഭാഗത്ത് നിന്നും തിരുവന്‍വണ്ടൂരിലേക്ക് വന്ന സ്‌കൂട്ടറില്‍ എതിര്‍ ദിശയില്‍ നിന്ന് വന്ന കാര്‍ ഇടിക്കുകയായിരുന്നു. തിരുവല്ലയില്‍ നിന്നുള്ള അഗ്‌നിരക്ഷാ സേനയും പോലീസും എത്തിയാണ് വാഹനങ്ങള്‍ സംഭവസ്ഥലത്ത് നിന്നും നീക്കം ചെയ്തത്.
ഭാര്യ: വിമല.
മക്കള്‍: അശ്വതി, അജിത്ത്.
മരുമക്കള്‍: ബിനോയി, ഗ്രീഷ്മ.
സംസ്‌കാരം നാളെ (വെള്ളി) ഉച്ചകഴിഞ്ഞ് മൂന്നിന് വീട്ടുവളപ്പില്‍
