മാന്നാര്‍▪️ ചെന്നിത്തലയില്‍ വൃദ്ധ ദമ്പതികള്‍ കത്തിക്കരിഞ്ഞ നിലയില്‍ കണ്ടെത്തിയ സംഭവത്തില്‍ മകന്‍ പോലീസ് കസ്റ്റഡിയില്‍.
ചെന്നിത്തല കോട്ടമുറി കൊറ്റോട്ട് വീട്ടില്‍ രാഘവന്‍ (92), ഭാര്യ ഭാരതി (90) എന്നിവരാണ് തീപ്പൊള്ളലേറ്റ് മരിച്ചത്.
ഇന്ന് പുലര്‍ച്ചെ 3 മണിയോടയായിരുന്നു സംഭവം. മകന്‍ വിജയന്‍ ചോദ്യം ചെയ്യലില്‍ കുറ്റം സമ്മതിച്ചു. സ്വത്ത് തര്‍ക്കമാണ് പ്രകോപനത്തിനു പിന്നില്‍. സ്ഥലം എഴുതി നല്‍കാത്തതാണ് കൊലപാതകത്തിലേക്ക് നയിച്ചത്. വീടിനു സമീപത്തെ വയലില്‍ നിന്നുമാണ് വിജയനെ പോലീസ് കസ്റ്റഡിയില്‍ എടുത്തത്.
മൃതദേഹങ്ങള്‍ പൂര്‍ണമായും കത്തിക്കരിഞ്ഞ നിലയിലായിരുന്നു. മാന്നാര്‍ പൊലീസ് അന്വേഷണം ആരംഭിച്ചു. ചെങ്ങന്നൂര്‍ ഡിവൈഎസ്പി എം.കെ ബിനു കുമാറിന്റെ നേതൃത്വത്തിലുള്ള പൊലീസ് സംഘം സ്ഥലത്തെത്തി ഇന്‍ക്വസ്റ്റ് നടപടികള്‍ ആരംഭിച്ചു.
