💐💐എന്‍. അശോക് കുമാര്‍ അന്തരിച്ചു

ചെങ്ങന്നൂര്‍ ▪️ തബല അധ്യാപകനും ചെങ്ങന്നൂരിന്റെ സ്വന്തം കലാകാരനുമായ തിട്ടമേല്‍ പ്ലാംമൂട്ടില്‍ എന്‍. അശോക് കുമാര്‍ (69) അന്തരിച്ചു.

സംസ്‌കാരം ഇന്ന് (18) വൈകിട്ട് നാലിന് വീട്ടുവളപ്പില്‍.

ആദ്യകാല ചലച്ചിത്ര, നാടക നടന്‍ പരേതനായ നാണുക്കുട്ടന്റെയും നടി പരേതയായ പങ്കജവല്ലിയുടെയും മകനാണ്.

അഞ്ചു പതിറ്റാണ്ടായി തബല അധ്യാപകനും സ്വദേശത്തും വിദേശത്തുമായി ധാരാളം ശിഷ്യ സമ്പത്തിന് ഉടമയുമായിരുന്നു.

ചെങ്ങന്നൂര്‍ ചിപ്പി തിയേറ്ററിനു സമീപം അദ്ദേഹം നടത്തിയിരുന്ന ഗുരുകുലം സ്‌കൂള്‍ ഓഫ് മ്യൂസിക് പ്രസിദ്ധമായിരുന്നു. ഒപ്പം ആറന്മുള വിജ്ഞാന കലാവേദിയില്‍ എത്തുന്ന വിദേശികള്‍ക്ക് പ്രിയപ്പെട്ട അധ്യാപകനായിരുന്നു.

ചിത്രരചന അധ്യാപികയായ എം.കെ രാധാമണിയാണ് ഭാര്യ.
മക്കള്‍: കവിത, കാവ്യ (ന്യത്ത അധ്യാപിക, മഞ്ജീര നൃത്ത വിദ്യാലയ, ചെങ്ങന്നൂര്‍).
മരുക്കള്‍: ജിതേഷ് കൃഷ്ണന്‍, ആര്‍.കെ അഖില്‍ (ദുബായ്).