അയോധ്യയിലെ രാമജന്മഭൂമി ക്ഷേത്രത്തില്‍ ആദ്യ സ്വര്‍ണ്ണവാതിലുകള്‍ സ്ഥാപിച്ചു.
ചൊവ്വാഴ്ചയാണ് അയോധ്യയിലെ രാമജന്മഭൂമി ക്ഷേത്രത്തില്‍ ആദ്യത്തെ സ്വര്‍ണ്ണ വാതില്‍ സ്ഥാപിച്ചത്. ഇന്ത്യ ടുഡേ, സിഎന്‍എന്‍ ഉള്‍പ്പെടെയുള്ള മാധ്യമങ്ങള്‍ വാര്‍ത്ത റിപ്പോര്‍ട്ട് ചെയ്യുന്നു.
ഹൈദരാബാദിലെ അനുരാധ ടിംബര്‍ ഇന്റര്‍നാഷണല്‍ കമ്പനിയാണ് ഈ വാതിലുകള്‍ നിര്‍മ്മിച്ചത്. അടുത്ത 1000 വര്‍ഷത്തേക്ക് നശിക്കാത്ത തരത്തിലാണ് വാതിലുകള്‍ നിര്‍മ്മിച്ചതെന്ന് കമ്പനിയുടെ ഉടമ ശരദ് ബാബു പറഞ്ഞു. രാമക്ഷേത്രത്തില്‍ സ്ഥാപിക്കുന്നതിനായി സ്വര്‍ണം പതിച്ച 14 വാതിലുകള്‍ രാമജന്മഭൂമിയില്‍ എത്തിച്ചു.
നാഗര ശൈലിയിലാണ് വാതിലുകള്‍ നിര്‍മ്മിച്ചിരിക്കുന്നത്. ഈ വാതിലുകള്‍ ജനുവരി 15 മുതല്‍ സ്ഥാപിക്കും. ക്ഷേത്രത്തിന്റെ വാതിലുകള്‍ക്കുള്ള തടി മഹാരാഷ്ട്രയില്‍ നിന്നാണ് കൊണ്ടുവന്നത്. ഇതിനായി പ്രത്യേകതരം തേക്ക് ശേഖരിച്ചിരുന്നു.
വളരെ ചുരുങ്ങിയ സമയത്തിനുള്ളില്‍ ഈ ജോലി പൂര്‍ത്തിയാക്കി. വലിയ ക്ഷേത്രങ്ങളുടെ വാതിലുകള്‍ ഉണ്ടാക്കുന്നതില്‍ തനിക്ക് പരിചയമുണ്ടെന്നും അദ്ദേഹം പറഞ്ഞു. കരകൗശല വിദഗ്ധര്‍ വളരെ കൃത്യമായ രീതിയില്‍ തടിയില്‍ ചിത്രങ്ങളും ഇതില്‍ കൊത്തിവച്ചിട്ടുണ്ട്.
