💫🌟സ്വര്‍ണവില കുതിച്ച് 50,000ത്തിലേക്ക്; പവന് 49,440 രൂപ

കൊച്ചി ▪️ സ്വര്‍ണവില 50,000ത്തിനോട് അടുത്ത്. പവന് 800 രൂപ കൂടി 49,440 രൂപയ്ക്ക് ആണ് ഇന്ന് സ്വര്‍ണ വ്യാപാരം പുരോഗമിക്കുന്നത്.

ഗ്രാമിന് 100 രൂപ കൂടി 6,180 രൂപയായി. സ്വര്‍ണത്തിന് ഇതുവരെ രേഖപ്പെടുത്തിയതില്‍ ഏറ്റവും ഉയര്‍ന്ന വിലയാണിത്.

മാര്‍ച്ച് 5ന് പവന് 560 രൂപ വര്‍ധിച്ച് 47,560 രൂപയില്‍ എത്തിയിരുന്നു. മാര്‍ച്ച് 9ന് ഈ റെക്കോര്‍ഡ് തിരുത്തി സ്വര്‍ണവില വീണ്ടും ഉയര്‍ന്നു. പവന് 400 രൂപ വര്‍ധിച്ച് 48,600 രൂപയില്‍ എത്തി.

മാര്‍ച്ച് 19ന് വീണ്ടും പവന് 360 രൂപ കൂടി 48,640 രൂപയായി സ്വര്‍ണ വില ഉയര്‍ന്നു. വില കുറഞ്ഞിട്ട് സ്വര്‍ണം വാങ്ങാം എന്നു കരുതിയിരുന്നവരെയും വിവാഹ ആവശ്യത്തിനായി സ്വര്‍ണം വാങ്ങാനിരിക്കുന്നവരെയും ആശങ്കപ്പെടുത്തി കൊണ്ട് ദിനം പ്രതി സ്വര്‍ണ വില കുതിക്കുകയാണ്.

വിലവര്‍ദ്ധന ഈ രീതിക്ക് തുടര്‍ന്നാല്‍ ദിവസങ്ങള്‍ക്കുള്ളില്‍ സ്വര്‍ണ വില അമ്പതിനായിരം പിന്നിടും. വില വര്‍ധിച്ചതോടെ സ്വര്‍ണം വാങ്ങാന്‍ ആളുകള്‍ കുറഞ്ഞെങ്കിലും പഴയ സ്വര്‍ണ്ണം വില്‍ക്കാനെത്തുന്നവരുടെ എണ്ണം വര്‍ധിച്ചിട്ടുണ്ട് എന്നാണ് വ്യാപാരികള്‍ പറയുന്നത്.