💐ഫാ.ഡോ.റ്റി.ജെ ജോഷ്വ അന്തരിച്ചു

കോട്ടയം ▪️ മലങ്കര ഓര്‍ത്തഡോക്‌സ് സുറിയാനി സഭ കോട്ടയം ഭദ്രാസനത്തിലെ സീനിയര്‍ വൈദീകന്‍ ഗുരുരത്‌നം റവ. ഫാ. ഡോ.റ്റി.ജെ ജോഷ്വ (97) അന്തരിച്ചു.

കുറിച്ചിയിലെ വസതിയില്‍ വച്ചായിരുന്നു അന്ത്യം. കോട്ടയം പഴയസെമിനാരിയിലെ സീനിയര്‍ അദ്ധ്യാപകനായിരുന്നു.
നിലവില്‍ മലങ്കര സഭയുടെ വര്‍ക്കിംഗ് കമ്മിറ്റി അംഗമാണ്. ഭാര്യ പരേതയായ ഡോ. മറിയാമ്മ ജോഷ്വ.

പത്തനംതിട്ട കോന്നി തെക്കിനേത്ത് ജോണിന്റെയും റേച്ചലിന്റെയും മകനായി 1929 ഫെബ്രുവരി 13ന് ജനനം.

കോന്നിയില്‍ പ്രാഥമിക വിദ്യാഭ്യാസത്തിനു ശേഷം കോട്ടയം സിഎംഎസ് കോളജില്‍ ഇന്റര്‍മീഡിയറ്റ് പഠനം, ആലുവ യുസി കോളജില്‍ നിന്ന് ഇക്കണോമിക്‌സില്‍ ബിഎ, കൊല്‍ക്കത്ത ബിഷപ്‌സ് കോളജില്‍ നിന്ന് ബിഡി, അമേരിക്കയിലെ യൂണിയന്‍ തിയോളജിക്കല്‍ സെമിനാരിയില്‍ നിന്ന് എസ്ടിഎം ബിരുദം, ജറുസലമിലെ എക്യുമെനിക്കല്‍ ഇന്‍സ്റ്റിറ്റിയൂട്ടില്‍ ഗവേഷണപഠനം. 1956ല്‍ വൈദികന്‍, 1954 മുതല്‍ 2017 വരെ കോട്ടയം ഓര്‍ത്തഡോക്‌സ് തിയോളജിക്കല്‍ സെമിനാരിയില്‍ അധ്യാപകന്‍ ആയിരുന്നു.