മാന്നാര്‍▪️ ഒമാന്‍ നിസ്‌വയിലുണ്ടായ വാഹനാപകടത്തില്‍ മാന്നാര്‍ കുട്ടംപേരൂര്‍ പതിനൊന്നാം വാര്‍ഡ് അശ്വതി ഭവനത്തില്‍ സന്തോഷ് പിള്ള (41) മരിച്ചു.
ഒമാനിലെ അല്‍വാസന്‍ ഇന്റഗ്രേറ്റഡ് ട്രേഡിങ്ങ് കമ്പനിയില്‍ മെഷീനിസ്റ്റായി ജോലി ചെയ്യുന്ന സന്തോഷ് ജോലി കഴിഞ്ഞ് സഹപ്രവര്‍ത്തകരോടൊപ്പം ഫുട്പാത്തിലൂടെ നടന്നു നീങ്ങവേ പിന്നില്‍ നിന്നും സ്‌പോര്‍ട്‌സ് കാര്‍ ഇടിച്ചാണ് അപകടം.
അപകടത്തില്‍ ഒപ്പമുണ്ടായിരുന്ന കണ്ണൂര്‍ സ്വദേശി രാഹുലും മരണപ്പെട്ടു. നിസ്‌വ ആശുപത്രി മോര്‍ച്ചറിയില്‍ സൂക്ഷിച്ചിരിക്കുന്ന മൃതദേഹങ്ങള്‍ നാട്ടിലേക്ക് കൊണ്ടു വരുന്നതിനുള്ള നടപടികള്‍ പൂര്‍ത്തിയായി വരുന്നു.
പുലിയൂര്‍ തെക്കുംകോവില്‍ പരേതനായ പുരുഷോത്തമന്‍ പിള്ളയുടെയും ശാന്തകുമാരിയുടെയും മകനാണ് സന്തോഷ് പിള്ള. ഭാര്യ അശ്വതി പിള്ള. കുരട്ടിക്കാട് ഭൂവനേശ്വരി സ്‌കൂള്‍ ആറാം കഌസ് വിദ്യാര്‍ത്ഥി നൈനിക് എസ്.പിള്ള ഏക മകനാണ്.
