ചെങ്ങന്നൂര്‍ ▪️ പ്രാര്‍ത്ഥനയോടെ കാത്തിരുന്ന വെണ്‍മണി ഗ്രാമത്തെ കണ്ണീരിലാഴ്ത്തി തൃലോക് വിടപറഞ്ഞു. രണ്ടു വയസ്സു മുതല്‍ രക്താര്‍ബുദം ബാധിച്ച് ഗുരുതരാവസ്ഥയില്‍ ചികിത്സയിലായിരുന്ന വെണ്‍മണി വരമ്പൂര്‍ ശ്രീവിഹാറില്‍ വിപുല്‍ ബാലകൃഷ്ണകുറുപ്പ്-വിദ്യാ നായര്‍ ദമ്പതികളുടെ മകന്‍ തൃലോക് (അഞ്ച്) അന്തരിച്ചു. നിരവധി ആശുപത്രികളില്‍ തുടര്‍ന്ന മകന്റെ ഭാരിച്ച ചികിത്സ ചിലവു താങ്ങാന്‍ കഴിയാതെ വലഞ്ഞ കുടുംബത്തിനു കൈതാങ്ങായി മന്ത്രി സജി ചെറിയാന്റെ നേതൃത്വത്തില്‍ കരുണ പെയിന്‍ ആന്‍ഡ് പാലിയേറ്റീവ് കെയര്‍ സൊസൈറ്റി വെണ്‍മണി മേഖല കമ്മിറ്റി സുമനസ്സുകളുടെ സഹായത്തോടെ 14 ലക്ഷം രൂപ ചികിത്സാ ധനസഹായം ശേഖരിച്ചു …

വെട്ടിയാര്‍ ▪️ ബൈക്ക് നിയന്ത്രണം വിട്ട് മറിഞ്ഞ് ഓട്ടോഡ്രൈവറായ യുവാവ് മരിച്ചു. വെട്ടിയാര്‍ രാമനല്ലൂര്‍ ക്ഷേത്രത്തിന് സമീപം രാമനല്ലൂര്‍ കുറ്റിയില്‍ രാജന്റെ മകന്‍ ശ്യാംകുമാര്‍ (37) ആണ് മരിച്ചത്. ശനിയാഴ്ച സന്ധ്യയോടെ കുന്നം-കൊല്ലകടവ് റോഡില്‍ കൊല്ലകടവ് പാലത്തിന് പടിഞ്ഞാറ് ഭാഗത്തായിരുന്നു അപകടം.

ആലപ്പുഴ ▪️ കൈതവന ജംഗ്ഷനില്‍ കാര്‍ ബൈക്കിലിടിച്ച് മെഡിക്കല്‍ റെപ്രസന്റേറ്റീവായ യുവാവ് മരിച്ചു. അമ്പലപ്പുഴ വടക്ക് പഞ്ചായത്ത് വണ്ടാനം കിഴക്ക് ചാലടിയില്‍ കടക്കാരംകുന്ന് വീട്ടില്‍ അനന്തു (കിച്ചു-26) ആണ് മരിച്ചത്. ഇന്നലെ രാത്രി 10.30 ഓടെ ആയിരുന്നു അപകടം. ജോലി കഴിഞ്ഞ് മടങ്ങിയ അനന്തുവിന്റെ ബൈക്കില്‍ എതിരെ വന്ന കാര്‍ ഇടിക്കുകയായിരുന്നു. ആലപ്പുഴ മെഡിക്കല്‍ കോളേജ് ആശുപത്രി അത്യാഹിത വിഭാഗത്തില്‍ ചികിത്സയിലിരിക്കെ ഇന്ന് രാവിലെയാണ് മരിച്ചത്.

ചെങ്ങന്നൂര്‍ ▪️ തോട്ടിയാട് പറമ്പത്തൂര്‍ (മെഴുവേലി കിഴക്കേതില്‍) റെജി മാത്യു (61) അന്തരിച്ചു. സംസ്‌കാരം നാളെ (ഞായര്‍) 11ന് മെഴുവേലിയിലെ വസതിയില്‍ നടക്കുന്ന ശുശ്രൂഷകള്‍ക്ക് ശേഷം മെഴുവേലി മലങ്കര കത്തോലിക്കാ പള്ളിയില്‍. മകള്‍: ഷാന്റി

തിരുവനന്തപുരം ▪️ മുതിര്‍ന്ന മാധ്യമപ്രവര്‍ത്തകന്‍ ബിആര്‍പി ഭാസ്‌കര്‍ (93) അന്തരിച്ചു. വാര്‍ദ്ധക്യസഹജമായ അസുഖങ്ങളെ തുടര്‍ന്ന് ചികിത്സയിലായിരുന്നു. തിരുവനന്തപുരത്തെ സ്വകാര്യ ആശുപത്രിയിലായിരുന്നു അന്ത്യം. സ്വദേശാഭിമാനി പുരസ്‌കാരം അടക്കം നിരവധി ബഹുമതികള്‍ നേടിയ, രാജ്യമറിയുന്ന മാധ്യമപ്രവര്‍ത്തകരില്‍ ഒരാളായിരുന്നു അദ്ദേഹം. മാധ്യമപ്രവര്‍ത്തകനും മനുഷ്യാവകാശസാമൂഹ്യ പ്രവര്‍ത്തകനുമായ ബി ആര്‍ പി ഭാസ്‌കര്‍ എന്ന ബാബു രാജേന്ദ്ര പ്രസാദ് ഭാസ്‌കര്‍ ഇന്ത്യയിലെ പല പ്രമുഖ ദേശീയ പത്രങ്ങളിലും പത്രാധിപരായി സേവനമനുഷ്ഠിച്ചിട്ടുണ്ട്. 1932 മാര്‍ച്ച് 12ന് തിരുവനന്തപുരം ജില്ലയിലെ കായിക്കരയിലാണ് അദ്ദേഹത്തിന്റെ ജനനം. പിതാവ് എ.കെ ഭാസ്‌കര്‍ ഈഴവനേതാവും സാമൂഹിക പരിവര്‍ത്തനവാദിയും ആയിരുന്നു. …

ചെങ്ങന്നൂര്‍ ▪️ വാഹനാപകടത്തെ തുടര്‍ന്ന് ചികിത്സയിലായിരുന്ന നഴ്‌സ് മരിച്ചു. വെണ്ണിക്കുളം ഗവ. പോളി ടെക്‌നിക് ജീവനക്കാരന്‍ ഇടപ്പോണ്‍ സന്തോഷ് ഭവനില്‍ ഫിലിപ്പ് വര്‍ഗീസിന്റെ ഭാര്യ ലിനി മാത്യു (43) ആണ് മരിച്ചത്. പരേത വെണ്മണി കോയിക്കല്‍ പടിക്കല്‍ കുടുംബാഗമാണ്. കൊല്ലകടവ് സഞ്ജീവനി ആശുപത്രിയിലെ നഴ്‌സായ ലിനി മാത്യു ഇക്കഴിഞ്ഞ 20ന് രാത്രി ഡ്യൂട്ടി കഴിഞ്ഞ് സ്‌കൂട്ടറില്‍ വീട്ടിലേക്ക് പോകുമ്പോള്‍ ചെറുവല്ലൂരില്‍ വെച്ച് അമിത വേഗതയിലെത്തിയ ബൈക്ക് ഇടിച്ചു വീഴ്ത്തുകയായിരുന്നു. തുടര്‍ന്ന് ഗുരുതര പരിക്കുകളോടെ തിരുവല്ലയിലെ സ്വകാര്യ മെഡിക്കല്‍ കോളാജാശുപത്രിയില്‍ ചികിത്സയിലിരിക്കെയാണ് ഇന്ന് മരിച്ചത്. സംസ്‌കാരം …

ചെങ്ങന്നൂര്‍ ▪️ അഖില കേരള വിശ്വകര്‍മ്മ മഹാസഭ സംസ്ഥാന പ്രസിഡന്റ് അഡ്വ. പി.ആര്‍ ദേവദാസ് (68) അന്തരിച്ചു. ഇന്ന് രാവിലെ 5.15ന് കൊച്ചി അമൃത ആശുപത്രിയിലായിരുന്നു അന്ത്യം. ഭൗതീക ശരീരം അമൃത ആശുപത്രിയില്‍ നിന്നും വിലാപയാത്രയായി ഉച്ചയ്ക്ക് 2 മണിയോടെ ചെങ്ങന്നൂര്‍ മുണ്ടന്‍കാവിലെ സഭാ ആസ്ഥാനത്ത് എത്തിക്കും. തുടര്‍ന്ന്് പൊതു ദര്‍ശനം. വൈകിട്ട് 4 മണിയോടെ കുടുംബ വീടായ ചമ്പക്കുളത്തേയ്ക്ക് വിലാപയാത്രയായി കൊണ്ടുപോകും. സംസ്‌കാരം നാളെ (വ്യാഴം) ഉച്ചയ്ക്ക് 12ന് ചമ്പക്കുളത്തെ കുടുംബ വീട്ടില്‍ നടക്കും.

ചെങ്ങന്നൂര്‍ ▪️ മന്ത്രി സജി ചെറിയാന്റെ മാതൃസഹോദരിയും പുത്തന്‍കാവ് ചക്കാലയില്‍ മലയില്‍ പരേതനായ സി.എം. തോമസിന്റെ (റിട്ട: സെയില്‍സ് ടാക്‌സ് ഓഫിസര്‍) ഭാര്യയുമായ അമ്മിണി തോമസ് (93) അന്തരിച്ചു. സംസ്‌കാരം പിന്നിട് പുത്തന്‍കാവ് സെന്റ് മേരീസ് ഓര്‍ത്തഡോക്‌സ് കത്തീഡ്രലില്‍. പരേത കോടുകുളഞ്ഞി പള്ളത്തു കിഴക്കേതില്‍ കുടുംബാംഗമാണ്. മക്കള്‍: ജോളി തോമസ് (യുഎസ്എ), ബേബി കോശി, ബിജി മാത്യു തോമസ് (ദുബായ്), രജനി എം. തോമസ് (റിട്ട: കൃഷി വകുപ്പ് ഡപ്യൂട്ടി ഡയറക്ടര്‍), ബിനു വര്‍ഗീസ് തോമസ് (യുഎസ്എ) മരുമക്കള്‍: മണിപ്പുഴ ഇടയത്തറ പുത്തന്‍വീട്ടില്‍ തോമസ് …

കല്ലൂപ്പാറ ▪️ താനത്തുമലയില്‍ ടി.എം അലക്‌സിന്റെ ഭാര്യ ലീലാമ്മ അലക്‌സ് (63) അന്തരിച്ചു. സംസ്‌കാരം നാളെ (22) വസതിയിലെ ശുശ്രൂഷയ്ക്ക് ശേഷം രാവിലെ 11ന് കല്ലുപ്പാറ സെന്റ് തോമസ് മാര്‍ത്തോമ്മാ പള്ളിയില്‍. പരേത ചെങ്ങന്നൂര്‍ പുലിയൂര്‍ വെള്ളിയമ്പള്ളില്‍ കുടുംബാംഗം. മക്കള്‍: അനീഷ് അലക്‌സ്, അക്ഷയ അലക്‌സ് മരുമക്കള്‍: ബിജിലി മോള്‍, മെറീന മോള്‍

ചെങ്ങന്നൂര്‍ ▪️ കൂട്ടുകാര്‍ക്കൊപ്പം പമ്പയാറ്റില്‍ കുളിക്കാനിറങ്ങിയ വിദ്യാര്‍ഥി മുങ്ങി മരിച്ചു. മഴുക്കീര്‍ ഊരാട്ടുവീട്ടില്‍ രാജേഷ്-ജയശ്രീ ദമ്പതികളുടെ മകന്‍ അക്ഷയ് (16) ആണ് മരിച്ചത്. ഇന്ന് (വ്യാഴം) ഉച്ചയ്ക്ക് രണ്ടോടെ തിരുവന്‍വണ്ടൂര്‍ ഇരമല്ലിക്കര തട്ടാവള്ളത്ത് കടവിലാണ് അപകടം. മൂന്നു കൂട്ടുകാരുമായി പമ്പയാറ്റിലെ കടവില്‍ കുളിക്കാന്‍ ഇറങ്ങിയപ്പോഴാണ് അപകടം ഉണ്ടായത്. തിരുവല്ല ഇരുവള്ളിപ്ര സെന്റ് തോമസ് ഹയര്‍ സെക്കന്‍ഡറി സ്‌കൂള്‍ പ്ലസ് വണ്‍ വിദ്യാര്‍ഥിയാണ്. മൃതദേഹം പോസ്റ്റുമോര്‍ട്ടത്തിനായി ചെങ്ങന്നൂര്‍ ജില്ലാ ആശുപത്രിയിലേക്ക് മാറ്റി. അക്ഷരയാണ് സഹോദരി. സംസ്കാരം നാളെ (വെള്ളി) വൈകിട്ട് 4 ന് വീട്ടുവളപ്പിൽ.