നൂറനാട്▪️ ശിവരാത്രി ദിവസമായ 26ന് (നാളെ) നൂറനാട് പടനിലം ക്ഷേത്രത്തിലെ ഉത്സവത്തോടനുബന്ധിച്ച് കെ.പി റോഡിലും മറ്റും ഗതാഗത നിയന്ത്രണം ഏര്‍പ്പെടുത്തിയിട്ടുണ്ട്. ഉച്ചയ്ക്ക് 12.30ന് ശേഷം കായംകുളം ഭാഗത്തുനിന്നും അടൂര്‍ ഭാഗത്തേക്ക് പോകേണ്ട വാഹനങ്ങള്‍ ചാരുംമൂട് ജംഗ്ഷനില്‍ നിന്നും തെക്കോട്ട് ഗുരുനാഥന്‍ കുളങ്ങര ജംഗ്ഷന്‍ ആലുവിള ജംഗ്ഷന്‍ പാലമൂട് ട്രാന്‍സ്‌ഫോര്‍മര്‍ ജംഗ്ഷന്‍ പഴകുളം വഴി അടൂരിന് പോകേണ്ടതാണ്. അടൂര്‍ ഭാഗത്തുനിന്നും കായംകുളം ഭാഗത്തേക്ക് വരുന്ന വാഹനങ്ങള്‍ പഴകുളം ജംഗ്ഷനില്‍ നിന്നും തെക്കോട്ട് തിരിഞ്ഞ് ഗുരുനാഥന്‍ കുളങ്ങര ജംഗ്ഷന്‍ വഴി ചാരുംമൂട് എത്തി യാത്ര തുടര്‍ന്ന് കായംകുളത്തേക്ക് …

ചെങ്ങന്നൂര്‍▪️ പെണ്ണുക്കരയില്‍ സ്വകാര്യ ബസും ടിപ്പറും കൂട്ടിയിടിച്ച് അപകടം. 19 പേര്‍ക്ക് പരിക്ക്. ഇന്ന് രാവിലെ 8.30ന് ആലാ പെണ്ണുക്കര കനാല്‍ ജംഗ്ഷനിലാണ് അപകടം. മാവേലിക്കര നിന്നും ചെങ്ങന്നൂരിലേക്ക് വന്ന കരിങ്ങാട്ടില്‍ ബസാണ് ടിപ്പര്‍ ലോറിയുമായി കൂട്ടിയിടിച്ച് അപകടത്തില്‍പ്പെട്ടത്. കൂടുതലായി സ്‌കൂള്‍, ഐടിഐ വിദ്യാര്‍ഥികളാണ് ബസില്‍ ഉണ്ടായിരുന്നത്. ആരുടേയും പരിക്ക് ഗുരുതരമല്ല. പരിക്കേറ്റ 7 പേരെ കൊല്ലകടവ് സഞ്ജീവനി ആശുപത്രിയിലും 12 പേരെ ചെങ്ങന്നൂര്‍ ജില്ലാ ആശുപത്രിയിലും പ്രവേശിപ്പിച്ചു. പലരുടേയും നെറ്റിക്കും മുഖത്തും സാരമായ പരിക്കേറ്റിട്ടുണ്ട്. നിസാര പരിക്കേറ്റവരെ പ്രാഥമിക ചികില്‍സയ്ക്ക് ശേഷം വിട്ടയച്ചു. …

ചെങ്ങന്നൂര്‍▪️ താലൂക്ക് ലീഗല്‍ സര്‍വ്വീസസ് കമ്മറ്റിയുടെ നേതൃത്വത്തില്‍ മൊബൈല്‍ ദുരൂപയോഗവും ആസക്തിയും എന്ന വിഷയത്തില്‍ മുളക്കുഴ സെന്റ്. ഗ്രിഗോറിയോസ് ഹയര്‍സെക്കന്‍ഡറി സ്‌കൂളില്‍ ബോധവത്കരണ സെമിനാര്‍ നടത്തി. താലൂക്ക് ലീഗല്‍ സര്‍വ്വീസസ് കമ്മറ്റി ചെയര്‍മാന്‍ സ്‌പെഷ്യല്‍ ജില്ലാ ജഡ്ജ് സുരേഷ് കുമാര്‍. ആര്‍ സെമിനാര്‍ ഉത്ഘാടനം ചെയ്തു. സ്‌കൂള്‍ മാനേജര്‍ എബ്രഹാം .ജെ അദ്ധ്യക്ഷത വഹിച്ചു. അഡ്വ.ശ്രീജിത്ത് സോമശേഖരന്‍ ക്ലാസിന് നേതൃത്വം നല്‍കി. പ്രിന്‍സിപ്പല്‍ ആനി സുസന്‍ ചെറിയാന്‍, താലൂക്ക് ലീഗല്‍ സര്‍വീസസ് കമ്മിറ്റി സെക്രട്ടറി ഉണ്ണി.എസ്, സാലി എബ്രഹാം, വിന്നി സാലി എബ്രഹാം എന്നിവര്‍ …

ചെങ്ങന്നൂര്‍▪️ ഉറങ്ങിക്കിടന്ന ജ്യേഷ്ഠനെ അനുജന്‍ കഴുത്ത് ഞെരിച്ച് കൊലപ്പെടുത്തിയത് മുന്‍വൈരാഗ്യം മൂലം. കൊലപാതകത്തിന് മുന്‍പ് ഉറങ്ങിയെന്ന് ഉറപ്പാക്കാന്‍ ഹെല്‍മെറ്റ് തറയിലിട്ട് ശബ്ദമുണ്ടാക്കിയെന്ന് പ്രതിയുടെ വെളിപ്പെടുത്തല്‍. ചെങ്ങന്നൂര്‍ മാര്‍ത്തോമാ ഒലിവറ്റ് അരമനയ്ക്ക് സമീപം തിട്ടമേല്‍ ചക്രപാണി യുഴത്തില്‍ പി.ജെ ശ്രീധരന്റെ മകന്‍ പ്രസന്നന്‍ (47) നെ കൊലപ്പെടുത്തിയ സംഭവത്തില്‍ തെളിവെടുപ്പിന് എത്തിച്ചപ്പോഴാണ് അനുജന്‍ പ്രസാദ് (45) കൊലപാതകം മുന്‍വൈരാഗ്യം മൂലമാണെന്ന് വെളിപ്പെടുത്തിയത്. ഞായറാഴ്ച രാവിലെ 3 മണിയോടെയായിരുന്നു സംഭവം. സംഭവത്തില്‍ ഓട്ടോറിക്ഷാ ഡ്രൈവറായ പ്രസാദിനെ രാവിലെ ചെങ്ങന്നൂര്‍ പൊലിസ് അറസ്റ്റ് ചെയ്തിരുന്നു. ഇരുവരും തമ്മില്‍ നിരന്തരമായി …

മാന്നാര്‍▪️ എ.ഐ.വൈ.എഫ് മാന്നാര്‍ മണ്ഡലം ഭാരവാഹികളായി അനീഷ് പാണ്ടനാട് (പ്രസിഡന്റ്), വിനീത് വിജയന്‍ (സെക്രട്ടറി) എന്നിവരടങ്ങുന്ന 9 അംഗ കമ്മിറ്റിയെ തിരഞ്ഞെടുത്തു. ശരത് ചെന്നിത്തല (വൈസ് പ്രസിഡന്റ്), സന്ധ്യ (ജോയിന്റ് സെക്രട്ടറി), നജീബ് എ. മാന്നാര്‍ (ട്രഷറര്‍). മണ്ഡലം കണ്‍വന്‍ഷന്‍ സിപിഐ മണ്ഡലം സെക്രട്ടറി ജി. ഹരികുമാര്‍ ഉദ്ഘാടനം ചെയ്തു. കെ.ആര്‍ രഗീഷ് അധ്യക്ഷത വഹിച്ചു.  

ചെങ്ങന്നൂര്‍▪️ നിയോജക മണ്ഡലത്തിലെ 14.8 കിലോ മീറ്ററുള്ള വിവിധ റോഡുകള്‍ നിര്‍മ്മിക്കുന്നതിന് 14.4 കോടി രൂപയുടെ ഭരണാനുമതി പൊതുമരാമത്ത് വകുപ്പ് നല്‍കി. എല്ലാ റോഡുകളും ബി.എം. & ബി.സി നിലവാരത്തില്‍ ആണ് നിര്‍മ്മിക്കുന്നത് എന്ന് സജി ചെറിയാന്‍ അറിയിച്ചു. 1) മുളക്കുഴ കാഞ്ഞിരം നില്‍ക്കുന്നതില്‍പടി-എംസി റോഡ് 2) കാരയ്ക്കാട് ജംഗ്ഷന്‍-പള്ളിപ്പടി റോഡ് 3) പിരളശ്ശേരി-കണ്ണുവേലിക്കാവ് ക്ഷേത്രം റോഡ് 4) ജെ.എം.എം. സ്‌കൂള്‍ ജംഗ്ഷന്‍-പാറച്ചന്തറോഡ് 5) പാറച്ചന്ത-ഉളിയന്തറ റോഡ് 6) പണിപ്പുരപ്പടി-ആല ശ്രീരംഗം റോഡ് 7) ഇലവിന്‍ചുവട്-ചമ്മത്തുമുക്ക്-കോടുകുളഞ്ഞി റോഡ് 8) കുറ്റിക്കാട്ടുപടി-കൈപ്പാലക്കടവ്-ഇടനാട് റോഡ് റോഡുകള്‍ പുനര്‍ …

ചെങ്ങന്നൂര്‍▪️ പ്രയാഗ് രാജിലെ മഹാകുംഭമേളയില്‍ പങ്കെടുക്കാന്‍ പോയ മധ്യവയസ്‌കന്‍ നാട്ടില്‍ തിരികെ എത്തിയില്ലെന്ന് പരാതിയുമായി കുടുംബം. ചെങ്ങന്നൂര്‍ മുളക്കുഴ കൊഴുവല്ലൂര്‍ വാത്തിയുടെ മേലേതില്‍ ജോജു വി.എസ്  (42) നെയാണ് കാണാതായതെന്ന് കാണിച്ച് മകള്‍ ചെങ്ങന്നൂര്‍ പൊലിസിന് പരാതി നല്‍കിയത്. പരാതിയെ തുടര്‍ന്ന് പോലീസ് കേസെടുത്ത് അന്വേഷണം ആരംഭിച്ചു. കൂടെ പോയ സുഹൃത്തില്‍ നിന്നും വിവരങ്ങള്‍ അന്വേഷിച്ചെങ്കിലും വ്യക്തമായ വിവരങ്ങള്‍ ഒന്നും തന്നെ പോലീസിന് ലഭിച്ചില്ല. ഉത്തര്‍ പ്രദേശിലെ പ്രയാഗ് രാജില്‍ നടന്നു വരുന്ന മഹാ കുംഭമേളയില്‍ പങ്കെടുക്കാനായി അയല്‍ക്കാരനായ കുടുംബ സുഹൃത്തിനൊപ്പം ഇക്കഴിഞ്ഞ ഒന്‍പതിനാണ് …

ചെങ്ങന്നൂര്‍▪️ പെട്രോള്‍ പമ്പില്‍ ഇന്ധനം അടിച്ച ശേഷം ബാക്കി പണം തിരികെ നല്‍കാന്‍ താമസിച്ച പമ്പ് ജീവനക്കാരനെ മര്‍ദ്ദിച്ച് അവശനാക്കിയ യുവാക്കള്‍ അറസ്റ്റില്‍. പത്തനംതിട്ട കോട്ടാങ്കല്‍ കുളത്തൂര്‍ മാലംപുറത്തുഴത്തില്‍ വീട്ടില്‍ അജയന്റെ മകന്‍ അജു അജയന്‍ (19), പുല്ലാട് ബിജു ഭവനത്തില്‍ ബിജുവിന്റെ മകന്‍ ബിനു (19) എന്നിവരാണ് അറസ്റ്റിലായത്. ഇക്കഴിഞ്ഞ 19ന് രാത്രി 12.30ന് എം.സി റോഡില്‍ കത്തോലിക്കാ പള്ളിക്ക് സമീപമുള്ള പെട്രോള്‍ പമ്പിലായിരുന്നു സംഭവം. രൂപമാറ്റം വരുത്തിയ നമ്പര്‍ രേഖപ്പെടുത്തിയ ബൈക്കിലെത്തിയ പ്രതികള്‍ 500 രൂപ നല്‍കിയ ശേഷം 50 രൂപയുടെ പെട്രോള്‍ …

ചെങ്ങന്നൂര്‍▪️ നഗരത്തിലും എം.സി റോഡിലും നിലവില്‍ അനുഭവപ്പെടുന്ന ഗതാഗത തിരക്കിന് പരിഹാരമായി നിര്‍മ്മിക്കുന്ന ബൈപാസിനായി സ്വകാര്യ വ്യക്തികളില്‍ നിന്നും ഏറ്റെടുക്കുന്നത് 12.04 ഏക്കര്‍ (4.8739 ഹെക്ടര്‍) സ്ഥലം. ചെങ്ങന്നൂര്‍, പുലിയൂര്‍ വില്ലേജുകളിലെ വിവിധ സര്‍വ്വേ നമ്പരുകളില്‍ ഉള്‍പ്പെട്ട ഏകദേശം 24.35 ഏക്കര്‍ (9.86 ഹെക്ടര്‍) ഭൂമിയാണ് ചെങ്ങന്നൂര്‍ ബൈപാസ് നിര്‍മ്മാണത്തിന് പദ്ധതിക്ക് വേണ്ടി ഏറ്റെടുക്കേണ്ടി വരുന്നത്. 24.35 ഏക്കര്‍ സ്ഥലത്തില്‍ 12.04 ഏക്കര്‍ സ്ഥലം മാത്രമാണ് സ്വകാര്യ വ്യക്തികളില്‍ നിന്നും ഏറ്റെടുക്കുന്നത്. ബാക്കി സര്‍ക്കാര്‍ ഉടമസ്ഥതയിലുള്ള സ്ഥലമാണ്. റിംഗ് റോഡായി നിര്‍മ്മിക്കുന്ന ബൈപാസ് റോഡില്‍ …

ചെങ്ങന്നൂര്‍▪️ ‘വണ്‍വേ’ റോഡുകളില്‍ സ്ഥാപിച്ചിരിക്കുന്ന ‘സൈന്‍’ ബോര്‍ഡുകള്‍ കണ്ട ഭാവമില്ലാതെ വാഹനങ്ങള്‍ പോകുന്നതോടെ ഗതാഗത കുരുക്കും അപകടവും പതിവാകുന്നു. ചെങ്ങന്നൂര്‍ നഗരത്തില്‍ സൈന്‍ ബോര്‍ഡുകളിലൂടെ ‘വണ്‍വേ’ എന്ന് സൂചിപ്പിച്ചിരിക്കുന്ന റോഡുകളിലെ ബോര്‍ഡുകളില്‍ വ്യക്തമാക്കിയ ദിശയിലൂടെ വാഹനം ഓടിക്കാതെ വിപരീത ദിശയിലേക്ക് വാഹനം ഓടിക്കുന്നത് അപകടങ്ങള്‍ക്ക് കാരണമാകുന്നു. ചെങ്ങന്നൂര്‍ ആല്‍ത്തറ ജംഗ്ഷനില്‍ നിന്നും മാര്‍ക്കറ്റ് റോഡിലൂടെ ബഥേല്‍ ജംഗ്ഷനിലേക്ക് വണ്‍വേ സമ്പ്രദായം തെറ്റിച്ചുപോകുന്ന ചെറുതും, വലുതുമായ വാഹനങ്ങള്‍ പലപ്പോഴും ടൗണില്‍ ഗതാഗതക്കുരുക്കും അപകടങ്ങളും സൃഷ്ടിക്കുന്നു. ആല്‍ത്തറ ജംഗ്ഷനിലും, മാര്‍ക്കറ്റ് റോഡിന്റെ തുടക്കത്തിലും നോ എന്‍ട്രി / …