ചെങ്ങന്നൂര്‍: അന്തരിച്ച സിപിഎം മുന്‍ സംസ്ഥാന സെക്രട്ടറി കോടിയേരി ബാലകൃഷ്ണനെതിരെ സമൂഹമാധ്യമത്തില്‍ അപകീര്‍ത്തികരമായ പോസ്റ്റ് പ്രചരിപ്പിച്ച തിരുവന്‍വണ്ടൂര്‍ സ്വദേശിക്കെതിരെ ചെങ്ങന്നൂര്‍ പോലീസില്‍ പരാതി. തിരുവന്‍വണ്ടൂര്‍ ഇരമല്ലിക്കര പ്ലാനില്‍ക്കുന്നതില്‍ പി.കെ സുരേഷ് എന്നയാളിനെതിരെ സിപിഎം തിരുവന്‍വണ്ടൂര്‍ ലോക്കല്‍ കമ്മറ്റി സെക്രട്ടറി ഷാജി കുതിരവട്ടമാണ് ചെങ്ങന്നൂര്‍ സിഐയ്ക്ക് പരാതി നല്‍കിയത്. ആദരാഞ്ജലികള്‍ അര്‍പ്പിച്ച് പ്രസിദ്ധപ്പെടുത്തിയ ചിത്രത്തിനൊപ്പം അപകീര്‍ത്തികരവും അപമാനകരവുമായ വാചകങ്ങള്‍ ചേര്‍ത്ത് സമൂഹമാധ്യമത്തില്‍ പ്രചരിപ്പിച്ചു എന്നതാണ് പരാതി. പരാതിയിന്‍മേല്‍ കേസെടുക്കുമെന്ന് സിഐ ജോസ് മാത്യു പറഞ്ഞു.

ചെങ്ങന്നൂര്‍: ഗാന്ധി ദര്‍ശന്‍ സമിതി ചെങ്ങന്നൂര്‍ നിയോജകമണ്ഡലം കമ്മിറ്റിയുടെ നേതൃത്വത്തില്‍ ഗാന്ധി ജയന്തി ദിനാചരണത്തോടനുബന്ധിച്ച് വര്‍ഗ്ഗീയ-ലഹരി വിരുദ്ധ പ്രതിജ്ഞയെടുത്തു. ചടങ്ങിനു മുന്നോടിയായി ചെങ്ങന്നൂര്‍ നഗരസഭാ കാര്യാലയത്തിനു മുന്നിലെ ഗാന്ധി പ്രതിമയില്‍ ഹാരാര്‍പ്പണവും പുഷ്പാര്‍ച്ചനയും നടത്തി. ദിനാചരണ പരിപാടികളുടെ ഉദ്ഘാടനം ഗാന്ധി ദര്‍ശന്‍ സമിതി സംസ്ഥാന സെക്രട്ടറി സി.കെ വിജയകുമാര്‍ നിര്‍വഹിച്ചു. ലോകാദരണീയനായ മഹാത്മാ ഗാന്ധിയുടെ രാജ്യത്ത് ജനിക്കാന്‍ കഴിഞ്ഞതു തന്നെ ഓരോ ഭാരതീയന്റേയും അന്തസ്സുയര്‍ത്തുന്നുവെന്ന് അദ്ദേഹം പറഞ്ഞു. നിയോജക മണ്ഡലം പ്രസിഡന്റ് കെ .ബി യശോധരന്‍ അദ്ധ്യക്ഷനായി. ആലാ വാസുദേവന്‍ പിള്ള മുഖ്യ പ്രഭാഷണം …

ചെങ്ങന്നൂര്‍: വിദ്യാര്‍ത്ഥികളിലും യുവാക്കളിലും വര്‍ദ്ധിച്ചു വരുന്ന മയക്കുമരുന്ന് ഉപയോഗം ഒരു സാമൂഹിക വിപത്താണെന്നും അതിനെ ചെറുക്കാന്‍ കൂട്ടായ പ്രവര്‍ത്തനം വേണമെന്നും ചെങ്ങന്നൂര്‍ പോലീസ് സബ് ഇന്‍സ്‌പെക്ടര്‍ അഭിലാഷ്. എം.സി പറഞ്ഞു. കേരളാ കോണ്‍ഗ്രസ് (എം) സാംസ്‌കാരിക വേദിയുടെ ആഭിമുഖ്യത്തില്‍ നടന്ന ലഹരി വിരുദ്ധ ക്യാമ്പയിന്‍ ഉദ്ഘാടനം ചെയ്ത് സംസാരിക്കുകയായിരുന്നു. കേരളാ കോണ്‍ഗ്രസ് (എം) നിയോജക മണ്ഡലം പ്രസിഡന്റ് ജേക്കബ് മാത്യു മുല്ലശ്ശേരി ആദ്ധ്യക്ഷത വഹിച്ചു. വരും ദിവസങ്ങളില്‍ വിദ്യാലയങ്ങളില്‍ ബോധവല്‍ക്കരണ പരിപാടി സംഘടിപ്പിക്കുന്നതാണ്. മുന്‍ ആഭ്യന്തര മന്ത്രി കോടിയേരി ബാലകൃഷ്ണന്റെ നിര്യാണത്തില്‍ യോഗം അനുശോചനം …

നിരണം: ലഹരി വസ്തുക്കളുടെ ഉപയോഗം സമൂഹത്തില്‍ വളര്‍ന്നുകൊണ്ടിരിക്കുകയാണെന്നും ലഹരി വിമോചന പ്രവര്‍ത്തനങ്ങളില്‍ യുവജനങ്ങള്‍ സജീവ പങ്കാളികളാവണമെന്നും ഫാ. സി.ബി. വില്യംസ് പ്രസ്താവിച്ചു. സെന്റ് തോമസ് ബിലീവേഴ്‌സ് ഈസ്‌റ്റേണ്‍ ചര്‍ച്ച് നിരണം ഇടവകയുടെ നേതൃത്വത്തില്‍ ഗാന്ധിജയന്തി ദിനാചരണം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. വ്യക്തിയെയും സമൂഹത്തെയും ശിഥിലമാക്കുന്ന ലഹരി എന്ന ഈ വിപത്തിനെക്കുറിച്ച് ജനങ്ങള്‍ക്ക് പ്രത്യേകിച്ചും യുവജനങ്ങള്‍ക്ക് അവബോധം നല്‍കുന്നതിനായി കേരള സര്‍ക്കാര്‍ ആരംഭിച്ച ലഹരി വിമുക്ത പ്രചരണ പരിപാടിയെ അഭിനന്ദിക്കുകയും ചെയ്തു. ഡോ. ജോണ്‍സണ്‍ വി.ഇടിക്കുള അധ്യക്ഷത വഹിച്ചു. ആയുധങ്ങളും ആക്രമണവും കൈമുതലായുള്ള ബ്രിട്ടിഷ് …

ചെങ്ങന്നൂര്‍: പാടശേഖരത്തിന്റെ നടുവിലെ നീരൊഴുക്ക് തോടിന് സമീപം ചാരായം വാറ്റിയ പ്രതി അറസ്റ്റില്‍. ചെറിയനാട് അരിയുണ്ണിശ്ശേരി കിഴക്കുമുറി നെടുംതറയില്‍ പ്രശാന്തിനെയാണ് എക്‌സൈസ് സര്‍ക്കിള്‍ ഓഫീസിലെ പ്രിവന്റ് ഓഫീസര്‍ ബി. സുനില്‍കുമാറും സംഘവും പിടികൂടിയത്. 30 ലിറ്റര്‍ ചാരായവും വാറ്റുപകരണങ്ങളും കസ്റ്റഡിയിലെടുത്തു. ചെറിയനാട് അരിയുണ്ണിശ്ശേരി കിഴക്കും മുറിയില്‍ ആവണിപ്പാടത്തിന്റെ നടുവിലെ നീരൊഴുക്ക് തോടിന്റെ സമീപത്താണ് ചാരായം വാറ്റ് നടത്തിയത്. സ്ഥലത്ത് നിന്നും ഓടിപ്പോയ രവിയെ രണ്ടാം പ്രതിയാക്കി കേസെടുത്തു. പ്രിവന്റീവ് ഓഫീസര്‍ ജോഷി ജോണ്‍, സിഇഒമാരായ പി. ആര്‍ ബിനോയ്, സി.കെ അനീഷ് കുമാര്‍ എന്നിവര്‍ …

ചെങ്ങന്നൂര്‍ എസ്.എന്‍.ഡി.പി. യൂണിയനിലെ തിങ്കളാമുറ്റം ശാഖയുടെ ആഭിമുഖ്യത്തിലുള്ള ഒന്നാമത് ശ്രീനാരായണ കണ്‍വന്‍ഷന്‍ നാളെ (02) സമാപിക്കും. രാവിലെ 10ന് ഗുരുവിന്റെ ക്ഷേത്ര സങ്കല്‍പ്പം എന്ന വിഷയത്തില്‍ ബിജു പുളിക്കലേടത്തും, വൈകിട്ട് 6.30ന് ഗുരുദര്‍ശനം നിത്യജീവിതത്തില്‍ എന്ന വിഷയത്തില്‍ വൈക്കം മുരളിയും പ്രഭാഷണം നടത്തും. രാവിലെ 8ന് ഗുരു മണ്ഡപത്തില്‍ വിശേഷാല്‍ പൂജകള്‍ വിശ്വശാന്തി ഹവനം, അന്നദാനം എന്നിവ നടക്കും. ഇന്ന് ദൈവദശകത്തിന്റെ കാലിക പ്രസക്തി എന്ന വിഷയത്തില്‍ ആശാ പ്രദീപിന്റെ പ്രഭാഷണവും ഗുരു മണ്ഡപത്തില്‍ വിശേഷാല്‍ പൂജകള്‍ക്ക് പുറമെ മഹാമൃത്യുഞ്ജയഹോമവും നടന്നു. യൂണിയന്റെ കീഴിലുള്ള …

ചെങ്ങന്നൂര്‍: കല്ലിശ്ശേരി കെ.എം ചെറിയാന്‍ ആശുപത്രിയിലെ മാലിന്യ പ്രശ്‌നത്തില്‍ ആക്ഷന്‍ കൗണ്‍സില്‍ പ്രതിനിധികളുമായി കളക്ടറേറ്റില്‍ നടന്ന ചര്‍ച്ചയെ തുടര്‍ന്ന് ഒരാഴ്ചക്കകം റിപ്പോര്‍ട്ട് നല്‍കാന്‍ ജില്ലാ മലിനീകരണ ബോര്‍ഡിന് ജില്ലാ കളക്ടര്‍ വി.ആര്‍ കൃഷ്ണതേജ നിര്‍ദ്ദേശം നല്‍കി. ആശുപത്രിയില്‍ നിന്നും മലിന ജലം പുറത്തേക്ക് ഒഴുക്കി വിടുന്നതിനെതിരെ ആക്ഷന്‍ കൗണ്‍സില്‍ നല്‍കിയ പരാതിയിലാണ് ഇന്ന് രാവിലെ ആലപ്പുഴ ജില്ലാ കളക്ടര്‍ സമരക്കാരുമായി ചര്‍ച്ച നടത്തിയത്. മലിനജല സംസ്‌കരണ പ്ലാന്റില്‍ നിന്നും അധികം വരുന്ന മലിന ജലം പുറത്തേക്ക് ഒഴുക്കി വിടുന്നതോടെ സമീപ വീടുകളിലെ പറമ്പുകളിലും കിണറുകളിലും …

ചെങ്ങന്നൂര്‍: ആനത്താറ്റ് പ്രദേശങ്ങളില്‍ രാത്രികാലങ്ങളില്‍ മോഷണം പെരുകുന്നു. കൃഷിയിടങ്ങളിലെ മരിച്ചീനി, വാഴക്കുലകള്‍, തേങ്ങ എന്നിവയാണ് രാത്രികാലങ്ങളില്‍ വ്യാപകമായി മോഷ്ടിക്കുന്നതെന്ന് നാട്ടുകാര്‍ പറയുന്നു. പ്രൊവിഡന്റ്‌സ് എന്‍ജിനിയറിംഗ് കോളേജിന് കിഴക്കായുള്ള പ്രദേശങ്ങളിലാണ് മോഷണം തുടരുന്നത്. ആള്‍താമസമില്ലാത്ത വസ്തുവിലെ കാര്‍ഷിക വിളകളാണ് പതിവായി മോഷ്ടിക്കുന്നത്. മരച്ചീനികള്‍ പിഴുതെടുത്ത ശേഷം കമ്പുകള്‍ സുരക്ഷിതമായി അടുക്കിവച്ച ശേഷമാണ് മോഷ്ടാക്കള്‍ മടങ്ങുന്നത്. ഈ പ്രദേശങ്ങളില്‍ രാത്രിയില്‍ മദ്യപാനികളുടെ ശല്യവും വര്‍ദ്ധിച്ചിട്ടുണ്ട്. അടിയന്തിരമായി പോലീസിന്റെ രാത്രികാല പട്രോളിംഗ് നടത്തണമെന്ന് നാട്ടുകാര്‍ ആവശ്യപ്പെട്ടു.  

ചെങ്ങന്നൂര്‍: സംസ്ഥാന ടൂറിസം വകുപ്പ് നവംബര്‍ 5ന് പാണ്ടനാട്ടില്‍ നടത്തുന്ന സിബിഎല്‍ (ചാംപ്യന്‍സ് ബോട്ട് ലീഗ്) വള്ളംകളിക്കായി ലോഗോ, പോസ്റ്റര്‍ എന്നിവ ഡിസൈന്‍ ചെയ്യുന്നതിന് മത്സരം സംഘടിപ്പിക്കുന്നു. തയാറാക്കിയ പോസ്റ്ററും ലോഗോയും cblcgnr@gmail.com എന്ന ഇ മെയില്‍ വിലാസത്തിലോ സീല്‍ ചെയ്ത കവറില്‍ സജി ചെറിയാന്‍ എംഎല്‍എയുടെ ഓഫിസിലോ ഒക്ടോബര്‍ 5 ആം തീയതി വൈകുന്നേരം 5 മണിക്ക് മുന്‍പായി ലഭിച്ചിരിക്കണം. തിരഞ്ഞെടുക്കപ്പെടുന്ന എന്‍ട്രിക്ക് ക്യാഷ് അവാര്‍ഡും മെമന്റോയും നല്‍കുമെന്ന് സ്വാഗതസംഘം ചെയര്‍മാന്‍ സജി ചെറിയാന്‍ എംഎല്‍എ, കണ്‍വീനര്‍ വി.ആര്‍. കൃഷ്ണതേജ (ജില്ലാ കലക്ടര്‍), …

ചെങ്ങന്നൂര്‍: കേരളാ പോലീസിന്റെ സംയോജിത ലഹരി വിരുദ്ധ പ്രവര്‍ത്തനങ്ങളുടെ ഭാഗമായുള്ള യോദ്ധാവ് പദ്ധതിയുടെ ചെങ്ങന്നൂര്‍ സബ്ഡിവിഷനിലെ രണ്ട് ദിവസത്തെ പരിശീലന പരിപാടി ചെങ്ങന്നൂര്‍ ഉമ്മന്‍സ് ഐ കെയര്‍ ഹോസ്പിറ്റല്‍ കോണ്‍ഫറന്‍സ് ഹാളില്‍ നടന്നു. ചെങ്ങന്നൂര്‍ ഡിവൈഎസ് പി ഡോ.ആര്‍.ജോസ് ഉദ്ഘാടനം ചെയ്തു. എസ്എച്ച്ഒ ജോസ് മാത്യു, എസ്‌ഐ എം.സി അഭിലാഷ്. എക്‌സൈസ് ഇന്‍സ്‌പെക്ടര്‍ ജിജി ഐപ്പ് മാത്യു എന്നിവര്‍ നേതൃത്വം നല്‍കി. പോലീസ്, സ്‌കൂളുകളിലെ തെരഞ്ഞെടുത്ത അധ്യാപകര്‍, റസിഡന്റ്‌സ് അസോസിയേഷന്‍ പ്രതിനിധികള്‍ എന്നിവര്‍ പരിപാടിയില്‍ പങ്കെടുത്തു.