വടക്കഞ്ചേരിയില്‍ അപകടമുണ്ടാക്കിയ ബസ് ഡ്രൈവര്‍ ജോമോന്‍ അപകടകരമാകും വിധം ടൂറിസ്റ്റ് ബസ് ഓടിക്കുന്ന ദൃശ്യങ്ങള്‍ പകര്‍ത്തിയതെന്ന് പൂനയില്‍ നിന്നെന്ന് പൊലീസ്. ദൃശ്യങ്ങള്‍ കാണിച്ചപ്പോള്‍ ജോമോന്‍ തന്നെയാണ് പൂനയില്‍ നിന്നാണെന്ന് പറഞ്ഞതെന്ന് പൊലീസ് വ്യക്തമാക്കി. വര്‍ഷങ്ങള്‍ക്ക് മുന്‍പ് പകര്‍ത്തിയ ദൃശ്യമാണെന്ന് ജോമോന്‍ അന്വേഷണസംഘത്തോട് പറഞ്ഞു. ബസില്‍ യാത്രക്കാര്‍ ഉണ്ടായിരുന്നോ എന്ന കാര്യത്തില്‍ വ്യക്തതയില്ലെന്നും ജോമോന്‍ മൊഴി നല്‍കി. എന്നാല്‍ ജോമോന്റെ മൊഴി പൊലീസ് പൂര്‍ണ്ണമായി വിശ്വാസത്തിലെടുത്തിട്ടില്ല. ജോമോനെ കസ്റ്റഡിയില്‍ വാങ്ങിയ ശേഷം വിശദമായ ചോദ്യം ചെയ്യലെന്ന് ആലത്തൂര്‍ ഡിവൈഎസ്പി അറിയിച്ചു. വടക്കഞ്ചേരിയില്‍ അപകടമുണ്ടാക്കിയ ടൂറിസ്റ്റ് ബസ് …

ഓച്ചിറ: പുതുതലമുറ മഹാത്മാഗാന്ധിയുടെ സന്ദേശങ്ങള്‍ ഏറ്റെടുക്കണമെന്നും ബിംബവല്‍ക്കരിക്കപ്പെട്ട ഗാന്ധിയില്‍ നിന്നും രാഷ്ട്രീയ ഗാന്ധിയെ തിരികെ കൊണ്ടുവരണമെന്നും സി.ആര്‍ മഹേഷ് എംഎല്‍എ. കേരള യൂത്ത് പ്രമോഷന്‍ കൗണ്‍സിലിന്റെയും ജില്ലാ ഇന്‍ഫര്‍മേഷന്‍ ഓഫീസിന്റെയും സംയുക്താഭിമുഖ്യത്തില്‍ ഓച്ചിറ ഗവണ്‍മെന്റ് ഐടിഐ യില്‍ നടന്ന ഗാന്ധിജയന്തി വാരാഘോഷം പരിപാടികളുടെ സമാപന സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ഇന്ന് കാണുന്ന എല്ലാ പ്രശ്‌നങ്ങള്‍ക്കും പരിഹാരം ഗാന്ധിമാര്‍ഗ്ഗം മാത്രമാണെന്നും അദ്ദേഹം പറഞ്ഞു. കേരള യൂത്ത് പ്രമോഷന്‍ കൗണ്‍സില്‍ സംസ്ഥാന ചെയര്‍മാന്‍ സുമന്‍ജിത്ത്മിഷ അധ്യക്ഷനായിരുന്നു. ഗാന്ധിദര്‍ശന്‍ പുരസ്‌കാരം ജി.ആര്‍ കൃഷ്ണകുമാറിന് എം.എല്‍.എ സമ്മാനിച്ചു. …

ചെങ്ങന്നൂര്‍: സംസ്ഥാന സര്‍ക്കാര്‍ സംരംഭക വര്‍ഷമായി പ്രഖ്യാപിച്ചതിന്റെ ഭാഗമായി ഒരു വര്‍ഷം കൊണ്ട് ഒരു ലക്ഷം സംരംഭങ്ങള്‍ പദ്ധതിയില്‍ 61.69 ശതമാനം നേട്ടത്തോടെ ചെങ്ങന്നൂര്‍ സംസ്ഥാന തലത്തില്‍ ഒന്നാമതെത്തി. നിയോജക മണ്ഡലത്തിലെ തദ്ദേശ സ്വയംഭരണ സ്ഥാപനങ്ങളില്‍ ചെങ്ങന്നൂര്‍ നഗരസഭ 75 ശതമാനം, പുലിയൂര്‍ പഞ്ചായത്ത് 56.32, ആല 58.33, ബുധനൂര്‍ 60, തിരുവന്‍വണ്ടൂര്‍ 65.38, വെണ്മണി 63.73, മുളക്കുഴ 60, പാണ്ടനാട് 56.25, ചെറിയനാട് 55.86, മാന്നാര്‍ 59.23, ചെന്നിത്തല 54.41 എന്നീ ക്രമത്തില്‍ പദ്ധതി മികവു നേടി. പദ്ധതിയുടെ പുരോഗതി വിലയിരുത്തുന്നതിനായി നിയോജക …

കൊച്ചിയില്‍ സര്‍ക്കാര്‍ ആരംഭിക്കാന്‍ ഉദ്ദേശിക്കുന്ന മാരിടൈം ക്ലസ്റ്ററുമായി സഹകരിക്കുവാന്‍ ഓസ്‌കോ മാരിടൈമിന് താല്‍പര്യമുണ്ടെന്ന് മാനേജിംഗ് ഡയറക്ടര്‍ കായി ജെസ്സ് ഓസ്ല്‌ലന്‍ വ്യക്തമാക്കി. മുഖ്യമന്ത്രി പിണറായി വിജയനുമായുള്ള കൂടി കാഴ്ചയിലാണ് കായി ജെസ്സ് ഇക്കാര്യം സൂചിപ്പിച്ചത്. കൊച്ചിയെ മാരിടൈം ഹബ്ബാക്കി മാറ്റുന്നതിനാണ് സര്‍ക്കാര്‍ ശ്രമിക്കുന്നത്. കാര്‍ബണ്‍ ബഹിര്‍ഗമനം കുറയ്ക്കാനും സര്‍ക്കാര്‍ പ്രത്യേകം ശ്രമിക്കുന്നുണ്ടെന്ന് മുഖ്യമന്ത്രി പറഞ്ഞു. ഇക്കാര്യത്തില്‍ ഓസ്‌കോയുടെ പിന്തുണ എംഡി വാഗ്ദാനം ചെയ്തു. ഓസ്‌കോ മരൈനു വേണ്ടി രണ്ട് ഇലക്ട്രിക് ബാര്‍ ജുകള്‍ കൊച്ചിന്‍ ഷിപ്പ് യാര്‍ഡാണ് നിര്‍മ്മിച്ചു നല്‍കിയത്. ലോകത്ത് ആദ്യത്തെ പൂര്‍ണ്ണ …

കോണ്‍ഗ്രസ് പ്രസിഡന്റ് തെരഞ്ഞെടുപ്പില്‍ ശശി തരൂരിനെതിരെ പ്രചാരണവുമായി രംഗത്തിറങ്ങിയ ചെന്നിത്തലക്കെതിരെ പ്രവര്‍ത്തകരുടെ പ്രതിഷേധം. മഹാരാഷ്ട്ര, ഗുജറാത്ത്, ആന്ധ്ര, തെലങ്കാന സംസ്ഥാനങ്ങളില്‍ മല്ലികാര്‍ജുന്‍ ഖാര്‍ഗെയോടൊപ്പം പ്രചാരണത്തിനിറങ്ങുമെന്ന ചെന്നിത്തലയുടെ ഫേസ്ബുക്ക് പോസ്റ്റില്‍ ശക്തമായ പരസ്യ പ്രതിഷേധമുയര്‍ത്തിയാണ് പ്രവര്‍ത്തകര്‍ രംഗത്തെത്തിയത്. കടുത്ത ഭാഷയിലാണ് ചെന്നിത്തലയുടെ പോസ്റ്റില്‍ നൂറുകണക്കിന് കമന്റുകള്‍ രേഖപ്പെടുത്തി അതൃപ്തി അറിയിക്കുന്നത്. തരൂരിനെതിരെയുള്ള നീക്കത്തില്‍ നിന്നും പിന്‍തിരിയണമെന്നു വരെ പ്രവര്‍ത്തകര്‍ പറയുന്നു. പ്രവര്‍ത്തകരുടെ ചില കമന്റുകള്‍ ഇങ്ങനെയാണ്- 1 രാഹുല്‍ ഗാന്ധി നയിച്ച ജോഡോ യാത്രയുടെ വിജയം, ആര്‍ത്തിരമ്പിയ മനുഷ്യകടല്‍, കോണ്‍ഗ്രസ് പാര്‍ട്ടിക്ക് ലഭിച്ച ഊര്‍ജം, ഇന്നലെത്തെ …

കോണ്‍ഗ്രസ് അധ്യക്ഷ തെരഞ്ഞെടുപ്പില്‍ ശശി തരൂരിനെ തോല്‍പ്പിക്കാന്‍ കേരളത്തിലെ പ്രധാന നേതാക്കള്‍ ഒറ്റക്കെട്ടായി പ്രവര്‍ത്തനം ആരംഭിച്ചു. മല്ലികാര്‍ജുന്‍ ഖാര്‍ഗെയാണ് ഔദ്യോഗിക സ്ഥാനാര്‍ത്ഥി എന്ന തരത്തിലാണ് നേതാക്കള്‍ പ്രചരണം നടത്തുന്നത്. അതേസമയം ശശി തരൂര്‍ കേരളത്തിലെ പ്രചരണം പൂര്‍ത്തിയാക്കി ഇന്ന് ചെന്നൈയിലേക്ക് പോകും. എഐസിസി പ്രസിഡണ്ട് തെരഞ്ഞെടുപ്പില്‍ കേരളത്തിലെ ഒരു പ്രധാനപ്പെട്ട നേതാവിന്റെ പോലും പിന്തുണ നേടാന്‍ ശശി തരൂരിന് കഴിഞ്ഞില്ല. രമേശ് ചെന്നിത്തലയാകട്ടെ മല്ലികാര്‍ജുന്‍ ഖാര്‍ഗെക്കായി നാല് സംസ്ഥാനങ്ങളില്‍ പ്രചരണത്തിനിറങ്ങാനും തയ്യാറെടുക്കുകയാണ്. മല്ലികാര്‍ജുന്‍ ഖാര്‍ഗെ, ഗാന്ധി കുടുംബത്തിന് താല്പര്യമുള്ള സ്ഥാനാര്‍ഥി എന്ന നിലയിലാണ് പ്രചരണം. …

കോട്ടയം കാഞ്ഞിരപ്പള്ളിയില്‍ മാമ്പഴ മോഷണക്കേസിലെ പ്രതി സിപിഒ പി.വി ഷിഹാബിനെ പിടികൂടാനാകാത്തത് പൊലീസിന് തലവേദനയാകുന്നു. ഇയാള്‍ക്കെതിരെ ജാമ്യമില്ലാ വകുപ്പു പ്രകാരം കേസെടുത്തു. രണ്ടു ദിവസം പിന്നിട്ടിട്ടും ഷിഹാബ് ഒളിവിലാണെന്ന വിശദീകരണമാണ് പൊലീസ് നല്‍കുന്നത്. അതിനിടെ പ്രതിയുടെ ബന്ധുവീടുകളടക്കം കേന്ദ്രീകരിച്ച് പൊലീസ് പരിശോധന ശക്തമാക്കി. ഇയാള്‍ മൊബൈല്‍ ഫോണ്‍ ഉപയോഗിക്കാത്തതാണ് അന്വേഷണ സംഘത്തെ വലയ്ക്കുന്നത്. പ്രതി ഷിഹാബ് കുമളി വഴി സംസ്ഥാനം വിട്ടതായും സൂചനയുണ്ട്. ഇയാളെ പൊലീസിലെ തന്നെ ഒരു വിഭാഗം സംരക്ഷിക്കുന്നുവെന്ന ആക്ഷേപവും ശക്തമാണ്. ഷിഹാബിനെതിരെ പുതിയ മോഷണക്കേസ് കൂടി രജിസ്റ്റര്‍ ചെയ്തതോടെ മുന്‍പ് …

പാലക്കാട് വടക്കഞ്ചേരിയില്‍ ടൂറിസ്റ്റ് ബസും കെഎസ്ആര്‍ടിസിയും കൂട്ടിയിടിച്ചുണ്ടായ അപകടത്തില്‍ മരിച്ച ഒന്‍പത് പേരെ തിരിച്ചറിഞ്ഞു. ഇതില്‍ അഞ്ച് പേര്‍ വിദ്യാര്‍ത്ഥികളും ഒരാള്‍ അധ്യാപകനും മൂന്ന് പേര്‍ കെഎസ്ആര്‍ടിസി യാത്രക്കാരുമാണ്. എല്‍ന ജോസ് (15), ക്രിസ് വിന്റ് (16), ദിവ്യ രാജേഷ്( 16), അധ്യാപകനായ വിഷ്ണു(33), അഞ്ജന അജിത് (16) എന്നിവരും കെഎസ്ആര്‍ടിസി ബസില്‍ യാത്ര ചെയ്തിരുന്ന ഇമ്മാനുവല്‍ (16) ദീപു (25) രോഹിത് (24) എന്നിവരുമാണ് മരിച്ചത്. പരുക്കേറ്റവര്‍ക്ക് അടിയന്തര സഹായമെത്തിക്കുമെന്ന് മന്ത്രി കെ രാധാകൃഷ്ണന്‍ പ്രതികരിച്ചു. മന്ത്രി എം ബി രാജേഷും ആശുപത്രിയിലെത്തി. …

തൃശൂര്‍ നഗരത്തില്‍ വന്‍ തീപിടുത്തം. ശക്തന്‍ ബസ്റ്റാന്‍ഡിനടുത്തുള്ള മൂന്നുനില കെട്ടിടത്തിലാണ് തീ പിടിച്ചത്. ചാക്കപ്പായ് സൈക്കിള്‍ സ്‌റ്റോറിന്റെ മൂന്നാം നിലയിലാണ് ആദ്യം തീ പടര്‍ന്നത്. ക്രമേണ താഴെയുള്ള രണ്ട് നിലകളിലേക്കും തീ പടരുകയായിരുന്നു. തൃശൂരില്‍ നിന്ന് മൂന്നു യൂണിറ്റ് ഫയര്‍ഫോഴ്‌സ് എത്തിയാണ് അഗ്‌നിബാധ നിയന്ത്രണവിധേയമാക്കിയത്. അഞ്ചരയോടെയാണ് സൈക്കിള്‍ ഷോപ്പില്‍ തീപിടുത്തം ഉണ്ടായത്. ആളപായമില്ല.

വിജയദശമി നാളായ ഇന്ന് നാവില്‍ അറിവിന്റെ ആദ്യാക്ഷരം നുകര്‍ന്ന് കുരുന്നുകള്‍. എഴുത്തുകാര്‍ക്കും രാഷ്ട്രീയക്കാര്‍ക്കും സാംസ്‌കാരിക നായകര്‍ക്കുമൊപ്പം കേരള ഗവര്‍ണര്‍ ആരിഫ് മുഹമ്മദ് ഖാനും വിജയദശമി ചടങ്ങുകളില്‍ പങ്കാളിയായി. മുന്‍ സാംസ്‌കാരിക വകുപ്പ് മന്ത്രി സജി ചെറിയാനും ചെങ്ങന്നൂര്‍ കൊഴുവല്ലൂരിലെ വസതിയിലെത്തിയ കരുന്നുകളെ ആദ്യാക്ഷരം കുറിപ്പിച്ചു. തിരുവനന്തപുരം പൂജപ്പുര സരസ്വതി ക്ഷേത്രത്തിലാണ് ഗവര്‍ണര്‍ കുരുന്നുകളെ ആദ്യാക്ഷരം കുറിപ്പിച്ചത്. സംസ്ഥാനത്തെ ക്ഷേത്രങ്ങളില്‍ വിദ്യാരംഭത്തിന് ഇത്തവണ വിപുലമായ ഒരുക്കളാണ് ഉള്ളത്. പനച്ചിക്കാട് ദേവീ ക്ഷേത്രത്തിലും തിരൂര്‍ തുഞ്ചന്‍പറമ്പിലും എല്ലാം വലിയ തിരക്കാണ് അനുഭപ്പെടുന്നത്. ദേവീ ഉപാസനയാണ് നവരാത്രി ആഘോഷങ്ങളുടെ …