തലശ്ശേരി: മാധ്യമ പ്രവര്‍ത്തകരെ രണ്ടു തട്ടുകളിലായി കാണുന്നത് നീതീകരിക്കാന്‍ ആവില്ലെന്നും പ്രാദേശിക മാധ്യമപ്രവര്‍ത്തകര്‍ക്ക് അര്‍ഹമായ പരിഗണന ലഭിക്കുന്നില്ലെങ്കില്‍ അതിലെ വിഷയങ്ങളും പ്രയാസങ്ങളും എന്താണെന്ന് പഠിക്കാനും ബന്ധപ്പെട്ടവരെ അറിയിക്കാനും തയ്യാറാണെന്ന് വി. ശിവദാസന്‍ എംപി പറഞ്ഞു. കേരള പത്രപ്രവര്‍ത്തക അസോസിയേഷന്‍ കണ്ണൂര്‍ ജില്ലാ സമ്മേളനം തലശ്ശേരി ഐഎംഎ ഹാളിലെ നാസര്‍ മട്ടന്നൂര്‍ നഗറില്‍ ഉദ്ഘാടനം ചെയ്യുകയായിരുന്നു അദ്ദേഹം. സ്വാഗതസംഘം വര്‍ക്കിങ്ങ് ചെയര്‍മാന്‍ എന്‍.ധനഞ്ജയന്‍ അധ്യക്ഷനായി. സംസ്ഥാന രക്ഷാധികാരി ഡോ. മൂസക്കുഞ്ഞ്, ജനകീയ ഡോക്ടര്‍ എ. ജോസഫ്, മുതിര്‍ന്ന പത്രദൃശ്യ മാധ്യമ പ്രവര്‍ത്തകര്‍ എന്നിവരെ ചടങ്ങില്‍ ആദരിച്ചു. …

എകെജി സെന്റര്‍ ആക്രമണക്കേസില്‍ രണ്ടു പേരെ കൂടി പ്രതി ചേര്‍ത്തു. യൂത്ത് കോണ്‍ഗ്രസ് നേതാക്കളായ സുഹൈല്‍, വനിതാ നേതാവ് നവ്യ .ടി എന്നിവരെയാണ് പ്രതി ചേര്‍ത്തത്. കേസിലെ ഒന്നാം പ്രതിയായ ജിതിനെ അറസ്റ്റ് ചെയ്തപ്പോള്‍ തന്നെ ഗൂഢാലോചനയില്‍ പങ്കെടുത്ത രണ്ട് യൂത്ത് കോണ്‍ഗ്രസ് നേതാക്കളെ കൂടി പ്രതിചേര്‍ക്കുമെന്ന വിവരം ലഭിച്ചിരുന്നു. ഇതുസംബന്ധിച്ച തെളിവ് ശേഖരണത്തിന് ശേഷമാണ് രണ്ട് യൂത്ത് കോണ്‍ഗ്രസ് നേതാക്കളെ കൂടി പ്രതിചേര്‍ത്തത്. യൂത്ത് കോണ്‍ഗ്രസ് ജില്ലാ സെക്രട്ടറി സുഹൈല്‍ ഷാജഹാന്‍, ആറ്റിപ്രയിലെ പ്രാദേശിക കോണ്‍ഗ്രസ് പ്രവര്‍ത്തക നവ്യ .ടി എന്നിവരെയാണ് പ്രതി …

കോഴിക്കോട്: കായണ്ണ ചന്ദനയല്‍ ചാരുപറമ്പില്‍ ആള്‍ദൈവത്തിന്റെ ക്ഷേത്രത്തില്‍ പോയവരെ നാട്ടുകാര്‍ തടഞ്ഞതിനെ തുടര്‍ന്ന് സംഘര്‍ഷം. ചാരുപറമ്പില്‍ രവി എന്ന ആള്‍ ദൈവത്തെ കാണാന്‍ പോയവരെയാണ് നാട്ടുകാര്‍ തടഞ്ഞത്. ഇയാളെ ബാലാവകാശ നിയമപ്രകാരം കാക്കൂര്‍ പൊലീസ് നേരത്തെ അറസ്റ്റ് ചെയ്തിരുന്നു. വിശ്വാസത്തിന്റെ മറവില്‍ ഇയാള്‍ പല ആളുകളെയും ചൂഷണം ചെയ്തിരുന്നതായി നാട്ടുകാര്‍ ആരോപിച്ചു. ഇതിനെ തുടര്‍ന്ന് നാട്ടുകാര്‍ ആക്ഷന്‍ കമ്മിറ്റി രൂപീകരിച്ച് പ്രവര്‍ത്തിച്ചുവരികയാണ്. ഇവിടെയ്ക്ക് വരുന്ന ആളുകളെ പിന്തിരിപ്പിച്ച് അയക്കുകയും ചെയ്യുന്നുണ്ട്. ഇന്ന് രാവിലെ ഒരു ഓട്ടോയിലും നാല് കാറിലും വന്ന ആളുകളെ തിരിച്ചയക്കാന്‍ ശ്രമിച്ചപ്പോഴാണ് …

ബലാത്സംഗക്കേസിലെ പരാതിക്കാരിക്ക് പെരുമ്പാവൂര്‍ എംഎല്‍എ എല്‍ദോസ് കുന്നപ്പിള്ളിലിന്റെ വാട്‌സ്ആപ്പ് സന്ദേശം. ഒരു കുറ്റവും ചെയ്യാത്ത തന്നെ ചതിച്ചു, കേസില്‍ അതിജീവിക്കുമെന്നാണ് വാട്‌സ്ആപ്പിലൂടെ സന്ദേശം അയച്ചത്. ഒളിവിലിരുന്ന് കൊണ്ടാണ് പരാതിക്കാരിക്ക് എല്‍ദോസ് വാട്‌സ്ആപ്പിലൂടെ ഭീഷണി സന്ദേശം അയച്ചത്. ഇന്നലെ പുലര്‍ച്ചെ 2.10നാണ് പരാതിക്കാരിയുടെ അടുത്ത സുഹൃത്തിന്റെ നമ്പറിലേക്ക് എല്‍ദോസ് സന്ദേശം അയച്ചത്. താന്‍ വിശ്വസിക്കുന്ന ദൈവം തക്ക മറുപടി നല്‍കുമെന്നാണ് സന്ദേശത്തില്‍ എല്‍ദോസ് പറയുന്നത്. സന്ദേശത്തില്‍ എല്‍ദോസ് പറയുന്നത്: ‘എന്നെ ചതിച്ച നീയും നിന്റെ കുടുംബവും ഞാന്‍ വിശ്വസിക്കുന്ന കര്‍ത്താവായ യേശു ക്രിസ്തു പകരം തക്കതായ …

ചെങ്ങന്നൂര്‍: അപകടത്തിലായ കെഎസ്ആര്‍ടിസി സ്വിഫ്റ്റ് ബസിനെതിരെ കോണ്‍ട്രാക്ട് കാര്യേജ് ഓപ്പറേറ്റേഴ്‌സ് അസോസിയേഷനും ടൂറിസറ്റ് ബസ് ഉടമകളുടെ കൂട്ടയ്മയും മോട്ടോര്‍ വാഹന വകുപ്പിന് പരാതി നല്‍കി. വ്യാഴാഴ്ച രാത്രി 11.30ഓടെ ചെങ്ങന്നൂര്‍ മുളക്കുഴ പെട്രോള്‍ പമ്പിന് മുന്‍പിലായി അപകടത്തില്‍പെട്ട കെഎല്‍- 15 എ 2356 തിരുവനന്തപുരം-സുല്‍ത്താന്‍ ബത്തേരി കെഎസ്ആര്‍ടിസി സ്വിഫ്റ്റ് ബസിനെതിരെയാണ് ചെങ്ങന്നൂര്‍ ജോയിന്റ് ആര്‍ടിഒയ്ക്ക് പരാതി നല്‍കിയത്. ബസിന്റെ ടാക്‌സ്, ഫിറ്റ്‌നസ് സര്‍ട്ടിഫിക്കറ്റ്, ഇന്‍ഷ്വറന്‍സ് എന്നീ രേഖകളും ജിപിഎസ്, സ്പീഡ് ഗവര്‍ണര്‍ എന്നിവയും പരിശോധിക്കണമെന്നും കുറ്റം കണ്ടെത്തിയാല്‍ ഫിറ്റ്‌നസും പെര്‍മിറ്റും റദ്ദാക്കണമെന്നും ഡ്രൈവറുടെ ലൈസന്‍സ് …

പരുമല: പ്രതിഭാശാലികളായ വിദ്യാര്‍ഥികള്‍ സര്‍ക്കാര്‍ സ്‌കോളര്‍ഷിപ്പുകള്‍ പ്രയോജനപ്പെടുത്തി ഉപരി പഠന സാധ്യതകള്‍ തേടണമെന്ന് കേരള നിയമസഭ സ്പീക്കര്‍ അഡ്വ. എ. എന്‍. ഷംസീര്‍. മിടുക്കരായ കുട്ടികള്‍ പഠനം ഏതെങ്കിലും മേഖലകളില്‍ വച്ച് അവസാനിപ്പിക്കാതെ തുടര്‍ പഠന സാധ്യതകള്‍ ആരായണമെന്നും അദ്ദേഹം പറഞ്ഞു. മലങ്കര ഓര്‍ത്തഡോക്‌സ് സഭയുടെ പ്രതിഭകളെ ആദരിക്കുന്നതിനുള്ള മെറിറ്റ് ഈവനിംഗ് പരുമല സെമിനാരിയില്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. പത്താം ക്ലാസ് മുതല്‍ പിഎച്ച്ഡി വരെ ഉന്നത വിജയം നേടിയവരും കലാകായിക രംഗത്ത് മികവുറ്റ പ്രവര്‍ത്തനം കാഴ്ച വച്ചവരുമായ 2,500 ഓളം പ്രതിഭകളെയാണ് …

പത്തനംതിട്ട: മലയാലപ്പുഴയിലെ വാസന്തി മഠത്തില്‍ കുട്ടികളെ ഉപയോഗിച്ച് പരസ്യ മന്ത്രവാദം. മന്ത്രവാദിനി പൊലീസ് കസ്റ്റഡിയില്‍ പ്രായപൂര്‍ത്തിയാകാത്ത കുട്ടികളെ ഉപയോഗിച്ച് മന്ത്ര വാദം നടത്തിയ മന്ത്രവാദിനി ശോഭന (52) കൂട്ടാളി ഉണ്ണികൃഷ്ണനെയുമാണ് പൊലീസ് കസ്റ്റഡിയിലെടുത്തത്. പത്തനംതിട്ട ഡിവൈഎസ് പി നന്ദകുമാറിന്റെ നേതൃത്വത്തിലുള്ള പോലീസാണ് ഇവരെ കസ്റ്റഡിയിലെടുത്തത്. ചാനല്‍ വാര്‍ത്തയെ തുടര്‍ന്ന് നാട്ടുകാരുടെയും യുവജന സംഘടനകളുടെയും പ്രതിഷേധത്തെ തുടര്‍ന്നാണ് പൊലീസ് എത്തിയത്. പ്രതിഷേധക്കാര്‍ വീടിന് പുറത്ത് ഉണ്ട്. ചോദ്യം ചെയ്യലിന് ശേഷമാകും ഏതെല്ലാം വകുപ്പുകള്‍ ചുമതമെന്ന് തീരുമാനിക്കുകയെന്ന് പൊലീസ് അറിയിച്ചു. സ്ഥാപനം പൂട്ടുന്നത് വരെ നിരന്തരം സമരം …

പത്തനംതിട്ട ഇലന്തൂരില്‍ സര്‍ൈവ്വശ്വര്യ ആഭിചാര കര്‍മ്മത്തിന് സ്ത്രീകളെ എത്തിച്ച് നല്‍കിയതിനു പ്രതിഫലമായി മൂന്ന് ലക്ഷത്തോളം രൂപ ഭഗവല്‍ സിംഗില്‍ നിന്ന് ഷാഫി കൈപ്പറ്റിയിരുന്നുവെന്ന് വെളിപ്പെടുത്തല്‍. ജൂണ്‍ എട്ടിന് റോസ്‌ലിയെ ബലി നല്‍കിയെങ്കിലും മുന്‍ജന്മ പാപം തീര്‍ന്നില്ലെന്ന് ദമ്പതികളെ പറഞ്ഞു വിശ്വസിപ്പിച്ച് സെപ്തംബര്‍ 26ന് പദ്മത്തെയും കുരുതി കൊടുക്കുകയായിരുന്നു ഷാഫി. മൂന്ന് ലക്ഷം രൂപ പ്രതിഫലം വാങ്ങിയാണ് സ്ത്രീകളെ നരബലിക്കായി എത്തിച്ചത്. പദ്മയുടെ മൃതദേഹം 56 കഷണങ്ങളാക്കിയാണ് കുഴിച്ചിട്ടത്. പദ്മയുടെ മൃതദേഹം അഴുകിയ നിലയിലായിരുന്നു. മൃതദേഹം തിരിച്ചറിയാന്‍ മകന് കഴിഞ്ഞില്ല. റോസ് ലിന്റെ മൃതദേഹം അഞ്ച് …

ആറന്‍മുള: കേരളത്തില്‍ നരബലി നടന്നതായി കണ്ടെത്തല്‍. രണ്ട് സ്ത്രീകളെ ബലി നല്‍കി. മൂന്ന് പേര്‍ പൊലീസ് കസ്റ്റഡിയില്‍ ആറന്‍മുള ഇലന്തൂര്‍ മണപ്പുറം  സ്വദേശിയായ വൈദ്യന്‍ ഭഗവല്‍ സിംഗ്, ഭാര്യ ലീല, പെരുമ്പാവൂര്‍ സ്വദേശിയായ  മുഹമ്മദ്‌ ഷാഫി എന്ന റഷീദുമാണ് നരബലിയുമായി ബന്ധപ്പെട്ട് അറസ്റ്റിലായിരിക്കുന്നത്. ദമ്പതികള്‍ക്ക് വേണ്ടിയാണ്  വടക്കാഞ്ചേരിയില്‍ നിന്നും എത്തി കാലടിയില്‍ വാടകയ്ക്ക് താമസിക്കുന്ന ലോട്ടറി ഏജന്റ്  റോസ് ലി കടവന്ത്രയില്‍ നിന്നുള്ള പത്മ എന്നീ സ്ത്രീകളെ കടത്തിക്കൊണ്ടുപോയത്. മൂന്ന് പേര്‍ ഇപ്പോള്‍ പൊലീസ് കസ്റ്റഡിയിലാണ്. സ്ത്രീകളെ കടത്തിക്കൊണ്ടുപോയ ഏജന്റും ദമ്പതികളുമാണ് പിടിയിലായിരിക്കുന്നത്. ഐശ്വര്യവും …

സ്വര്‍ണ്ണക്കടത്ത് കേസ് പ്രതി സ്വപ്ന സുരേഷിന്റെ പുസ്തകം ഉടന്‍ പുറത്തിറങ്ങും. സ്വര്‍ണ്ണക്കടത്ത് കേസിലെ വിവാദങ്ങളെ കുറിച്ച് വിവരിക്കുന്ന പുസ്തകത്തിന് ചതിയുടെ പത്മവ്യൂഹം എന്നാണ് പേരിട്ടിരിക്കുന്നത്. തൃശൂര്‍ കറന്റ് ബുക്‌സാണ് പുസ്തകം പ്രസിദ്ധീകരിക്കുന്നത്. സ്വര്‍ണക്കടത്ത് കേസുമായി ബന്ധപ്പെട്ട് ഇതുവരെ മജിസ്‌ട്രേറ്റിന് മുമ്പില്‍ പറഞ്ഞതും ഒപ്പം പറയാത്തതുമായിട്ടുള്ള കാര്യങ്ങളൊക്കെ ഈ പുസ്തകത്തില്‍ വെളിപ്പെടുത്തുന്നുണ്ടെന്നാണ് അറിയാന്‍ കഴിഞ്ഞിട്ടുള്ളത്. മുഖ്യമന്ത്രിയുടെ മുന്‍ പ്രിന്‍സിപ്പല്‍ സെക്രട്ടറിയായിരുന്ന എം. ശിവശങ്കര്‍ ചെന്നൈയില്‍ വച്ച് തന്നെ വിവാഹം കഴിച്ചിരുന്നു എന്നും ആ പുസ്തകത്തില്‍ അവര്‍ ആ സൂചിപ്പിച്ചിട്ടുണ്ട്. ഒപ്പം തന്നെ മുഖ്യമന്ത്രിയുടെ മകള്‍ വീണ …