തിരുവനന്തപുരം▪️ ഷൂട്ടിംഗിനിടയില്‍ ലഹരി ഉപയോഗിച്ച നടന്‍ മോശമായി പെരുമാറിയെന്ന നടി വിന്‍സി അലോഷ്യസിന്റെ പരാതി ഗൗരവമുള്ളതാണെന്നും സര്‍ക്കാര്‍ അന്വേഷിക്കുമെന്നും സാംസ്‌കാരിക വകുപ്പ് മന്ത്രി സജി ചെറിയാന്‍ പറഞ്ഞു. ഇത്തരം സന്ദര്‍ഭങ്ങളില്‍ പ്രതികരിക്കുകയും നിയമ പരമായ പരിഹാരത്തിന് ധൈര്യപൂര്‍വ്വം നിലപാട് സ്വീകരിക്കുകയും ചെയ്ത നടിയുടെ സമീപനം സ്വാഗതാര്‍ഹവും അഭിനന്ദനാര്‍ഹവുമാണ്. ഇത്തരം പ്രവണതകള്‍ വെച്ചു പൊറുപ്പിക്കാനാവില്ല. രാജ്യത്തിന് തന്നെ മാതൃകയാണ് നമ്മുടെ സിനിമാ മേഖല. അതിന് മങ്ങലേല്‍പ്പിക്കുന്ന യാതൊരു നിയമവിരുദ്ധ പെരുമാറ്റവും അംഗീകരിക്കാന്‍ സാധിക്കില്ലെന്നും അത്തരക്കാര്‍ക്ക് എതിരെ മുഖം നോക്കാതെ നടപടിയുണ്ടാകുമെന്നും മന്ത്രി പറഞ്ഞു. സിനിമാ മേഖലയിലെ നിയമവിരുദ്ധ …

തിരുവനന്തപുരം▪️ മുഖ്യമന്ത്രിയുടെ പൊളിറ്റിക്കല്‍ സെക്രട്ടറിയായിരുന്ന കെ.കെ രാഗേഷിനെ പുകഴ്ത്തിയതിന് പിന്നാലെയുണ്ടായ വിമര്‍ശനങ്ങളില്‍ നയം വ്യക്താക്കി ദിവ്യ എസ്. അയ്യര്‍ ഐഎഎസ്. സിനിമയും ജീവിതവും ഒക്കെ ഒരേ പോലെയാണെന്നും ഒരു സിനിമ പോലെയാണ് ഇപ്പോഴത്തെ വിവാദം താന്‍ കാണുന്നതെന്നും ദിവ്യ പറഞ്ഞു. ‘സിനിമ റിലീസ് ആവുമ്പോള്‍ ആളുകള്‍ പല വിധത്തിലുള്ള പ്രതികരണം നടത്തും. നമ്മള്‍ ഉദ്ദേശിച്ചത് ആവില്ല കാഴ്ച്ചക്കാരന്‍ കാണുക. ചിലര്‍ക്ക് ഇഷ്ടമായെന്ന് വരില്ല. ‘ ദിവ്യ വ്യക്തമാക്കി. സൈബര്‍ ആക്രമണം കൊണ്ടു നയത്തില്‍ മാറ്റമില്ലായെന്നും താനും ശബരീനാഥനും തങ്ങളായി തന്നെ തുടരുമെന്നും ദിവ്യ പ്രതികരിച്ചു. …

കൊച്ചി▪️ ലഹരി പരിശോധനയ്ക്കിടെ കൊച്ചിയിലെ ഹോട്ടലില്‍ നിന്നും നടന്‍ ഷൈന്‍ ടോം ചാക്കോ ഇറങ്ങി ഓടി. ഇന്നലെ രാത്രിയാണ് സംഭവം. ഓപ്പറേഷന്‍ ഡി ഹണ്ടിന്റെ ഭാഗമായി ഡാന്‍സാഫ് സംഘത്തിന്റെ പരിശോധനയ്ക്കിടെയാണ് നടന്‍ ഇറങ്ങി ഓടിയത്. ഷൈനിന്റെ മുറിയില്‍ ലഹരി ഉപയോഗം നടക്കുന്നുവെന്ന വിവരം ലഭിച്ചതിന്റെ അടിസ്ഥാനത്തിലായിരുന്നു പരിശോധന. ഹോട്ടലിന്റെ മൂന്നാം നിലയില്‍ നിന്നും ഇറങ്ങി ഓടി രക്ഷപ്പെടുകയായിരുന്നു. കൊക്കൈന്‍ കേസില്‍ ഷൈന്‍ ടോം ചാക്കോയെ ഈയിടെയാണ് കോടതി വെറുതെ വിട്ടത്. അതിനിടെയാണ് സമാനസംഭവം. കൊച്ചി കടവന്ത്രയില്‍ നടത്തിയ റെയ്ഡില്‍ ആയിരുന്നു കൊക്കൈനുമായി ഷൈനും മോഡലുകളും …

തിരുവനന്തപുരം▪️ ക്രൈസ്തവ ലോകം ഇന്ന് ഭക്തിപൂര്‍വം ഓശാനാ ഞായര്‍ ആചരിച്ചു. യേശുക്രിസ്തു ജറുസലേം നഗരത്തിലേക്ക് രാജകീയമായി പ്രവേശിച്ച സംഭവത്തെ അനുസ്മരിപ്പിച്ചാണ് ഓശാനപ്പെരുന്നാള്‍ ക്രൈസ്തവ വിശ്വാസികള്‍ ആചരിക്കുന്നത്. ദേവാലയങ്ങളില്‍ തിരുക്കര്‍മങ്ങളില്‍ വിശ്വാസികളുടെ വലിയ തിരക്കാണ് അനുഭവപ്പെട്ടത്. പ്രത്യേക പ്രാര്‍ഥനകള്‍, കുരുത്തോല പ്രദക്ഷിണങ്ങള്‍ എന്നിവ നടത്തി വിശ്വാസികള്‍ ഭക്തിയോടെ ഈ ദിനത്തില്‍ പങ്കുചേര്‍ന്നു. യേശുവിനെ യഹൂദജനങ്ങള്‍ ഒലിവ് ഇലകളും കുരുത്തോലകളും കൈയില്‍ പിടിച്ച് രാജകീയമായി ജറുസലേം നഗരത്തിലേക്ക് വരവേറ്റതിന്റെ ഓര്‍മ്മപ്പെടുത്തലാണ് ഓശാനാ ഞായറിലെ തിരുക്കര്‍മങ്ങള്‍. ഈ ദിനം ആത്മവിശുദ്ധിക്കും ആത്മനിരീക്ഷണത്തിനും ക്രൈസ്തവ വിശ്വാസത്തില്‍ അതിമഹത്വമുള്ള അവസരമായി പരിഗണിക്കപ്പെടുന്നു. …

കോഴിക്കോട്▪️ കോഴിക്കോട് രൂപതയെ അതിരൂപതയായി ഉയര്‍ത്തി വത്തിക്കാന്‍. ശതാബ്ദി ആഘോഷിച്ച് 102 വര്‍ഷം പിന്നിടുന്ന വേളയിലാണ് കോഴിക്കോട് ലത്തീന്‍ രൂപതയെ ഫ്രാന്‍സിസ് മാര്‍പാപ്പ അതിരൂപതയായി പ്രഖ്യാപിച്ചത്. ഇതോടെ ഡോ.വര്‍ഗീസ് ചക്കാലക്കല്‍ ആര്‍ച്ച് ബിഷപ്പ് സ്ഥാനത്തേയ്ക്ക് ഉയര്‍ന്നു. കോഴിക്കോടും വത്തിക്കാനിലും ഒരേ സമയമാണ് പ്രഖ്യാപനം നടത്തിയത്. ഫ്രാന്‍സിസ് മാര്‍പ്പാപ്പയുടെ പ്രഖ്യാപനം മാര്‍ ജോസഫ് പാംപ്ലാനി വായിച്ചു. ആര്‍ച്ച് ബിഷപ്പായി നിയോഗിക്കപ്പെട്ട ഡോ.വര്‍ഗീസ് ചക്കാലക്കലിനെ ജോസഫ് മാര്‍ പാംപ്ലാനി മാല്യം അണിയിച്ച് സ്വീകരിച്ചു. ലത്തീന്‍ സഭയുടെ കേരളത്തിലെ മൂന്നാമത്തെ അതിരൂപതയാണ് കോഴിക്കോട് അതിരൂപത. തിരുവനന്തപുരവും വരാപ്പുഴയും ആണ് …

ആലപ്പുഴ▪️ വിവാദമായ മലപ്പുറം പരാമര്‍ശത്തില്‍ എസ്എന്‍ഡിപി യോഗം ജനറല്‍ സെക്രട്ടറി വെള്ളാപ്പള്ളി നടേശനെ ന്യായീകരിച്ച് മുഖ്യമന്ത്രി പിണറായി വിജയന്‍. മതനിരപേക്ഷ നിലപാട് ഉയര്‍ത്തി പിടിക്കാന്‍ എല്ലാ കാലവും വെള്ളാപ്പള്ളി ശ്രമിച്ചിട്ടുണ്ടെന്ന് മുഖ്യമന്ത്രി പറഞ്ഞു. ‘വെള്ളാപ്പള്ളിയുടെ ഈ അടുത്തകാലത്ത് ഉണ്ടായ ചില പരാമര്‍ശങ്ങള്‍ ചില സമുദായത്തിന് എതിരായ പരമാര്‍ശമായി വരുത്താന്‍ ശ്രമിച്ചു. എന്നാല്‍ വെള്ളാപ്പള്ളിയെ അറിയുന്നവര്‍ക്ക് അത് സമുദായത്തിനെതിരെ ആയിരുന്നില്ലെന്ന് അറിയാം. പരാമര്‍ശം ഒരു രാഷ്ട്രീയ പാര്‍ട്ടിക്കെതിരെ മാത്രമായിരുന്നു’ മുഖ്യമന്ത്രി തുടര്‍ന്നു. എസ്എന്‍ഡിപിക്ക് വലിയ സംഭാവന നല്‍കിയ ആളാണ് വെള്ളാപ്പള്ളി. നേതൃപാടവം കൊണ്ടാണ് അദ്ദേഹം ജനറല്‍ …

കല്‍പറ്റ▪️ വയനാട് ദുരന്തത്തില്‍പ്പെട്ടവരുടെ ലോണുകള്‍ എഴുതി തള്ളുന്ന കാര്യത്തില്‍ ഇടക്കാല ഉത്തരവിറക്കി ഹൈക്കോടതി. കേന്ദ്രസര്‍ക്കാരും ദേശീയ ദുരന്ത നിവാരണ അതോറിറ്റിയും ഇക്കാര്യത്തില്‍ വിവേചനാധികാരം പ്രയോഗിക്കണമെന്ന് ഡിവിഷന്‍ ബെഞ്ച് നിര്‍ദേശിച്ചു. ബാങ്ക് വായ്പ എഴുതിത്തള്ളാന്‍ നിര്‍ദ്ദേശിക്കാന്‍ കേന്ദ്ര ദുരന്തനിവാരണ അതോറിറ്റിക്ക് അവകാശമുണ്ട്. ഇക്കാര്യത്തില്‍ അവര്‍ പരിശോധിക്കണം. ലോണുകള്‍ എഴുതിത്തളളുന്ന കാര്യത്തില്‍ കേന്ദ്രസര്‍ക്കാര്‍ അനുകൂല നിലപാട് സ്വീകരിക്കുമെന്നാണ് പ്രതീക്ഷിക്കുന്നത്. ജീവിതവും വരുമാനവും നഷ്ടപ്പെട്ടവരെ സഹായിക്കാന്‍ കേന്ദ്രസര്‍ക്കാരിന് ബാധ്യതയുണ്ട്. എഴുതിത്തള്ളേണ്ടത് വലിയ തുകയല്ലെന്നും അനുഭവപൂര്‍ണ്ണമായ സമീപനമാണ് വയനാട് ദുരന്തബാധിതരോട് കേന്ദ്രസര്‍ക്കാരിന്റെയും ബാങ്കുകളുടെയും ഭാഗത്തുനിന്നു ഉണ്ടാകേണ്ടതെന്നും ഇടക്കാല ഉത്തരവിലുണ്ട്.  

കൊച്ചി▪️ ക്രൈസ്തവ സഭകളുടെ സ്വത്തുക്കള്‍ നിയന്ത്രിക്കുന്ന ബില്‍ കൊണ്ടുവരുമെന്ന് ബിജെപി നേതാക്കള്‍ അറിയിച്ചെന്ന് അല്‍മായ മുന്നേറ്റം നേതാവ് ഷൈജു ആന്റണി. ഇതുമായി ബന്ധപ്പെട്ട് കേന്ദ്രസഹമന്ത്രി സുരേഷ് ഗോപി താനുമായി സംസാരിച്ചിരുന്നു. ചര്‍ച്ച് ബില്ലിനെ പിന്തുണയ്ക്കണമെന്ന് ബിജെപി നേതാക്കള്‍ ആവശ്യപ്പെട്ടുവെന്നും ഷൈജു ആന്റണി പറഞ്ഞു ചര്‍ച്ച് ആക്ടിന് വേണ്ടി നടക്കുന്ന വിവിധ ഗ്രൂപ്പുകളുമായി സുരേഷ് ഗോപി സംസാരിച്ചതായും ഷൈജു ആന്റണി പറഞ്ഞു. ജസ്റ്റിസ് ജെ.ബി കോശി കമ്മീഷനെ സുരേഷ് ഗോപി നേരിട്ടുപോയി കണ്ടതായാണ് മനസിലാക്കുന്നത്. ചര്‍ച്ച് ആക്ട് എത്രയും വേഗം നടപ്പിലാക്കാന്‍ സാധിക്കുമോ? അത് നടപ്പിലാക്കുന്നത് …

കടുത്തുരുത്തി ▪️ഓണ്‍ലൈന്‍ ട്രേഡിങ് തട്ടിപ്പ് വൈദികനില്‍ നിന്നും 1.41 കോടി തട്ടിയ പ്രതിയെ ഡല്‍ഹിയില്‍ പിടികൂടി ഓണ്‍ലൈന്‍ ട്രേഡിങ് തട്ടിപ്പിലൂടെ വൈദികനില്‍ നിന്നും 1.41 കോടി തട്ടിയെടുത്ത കേസില്‍ മുഖ്യ ആസൂത്രകന്‍ സൗത്ത് ഡല്‍ഹി സ്വദേശി സുബേര്‍ (33) പിടിയില്‍. ജില്ലാ പോലീസ് മേധാവിയുടെ നിര്‍ദേശപ്രകാരം സ്‌പെഷ്യല്‍ ടീം ഡല്‍ഹിയില്‍ എത്തി തന്ത്രപരമായി പ്രതിയെ കീഴടക്കുകയായിരുന്നു. നാലു പേരെ ഫെബ്രുവരി മാസം പോലീസ് അറസ്റ്റ് ചെയ്തിരുന്നു. ഇതില്‍ മുഖ്യപ്രതിയായ മഹാരാഷ്ട്ര സ്വദേശി മുഹമ്മദ് ജാവേദ് അന്‍സാരിയെ പ്രത്യേക അന്വേഷണസംഘം മഹാരാഷ്ട്രയില്‍ നിന്നുമാണ് സാഹസികമായി അറസ്റ്റ് …

കൊച്ചി▪️ സംസ്ഥാന തദ്ദേശ ഭരണ വകുപ്പിന്റെ മാലിന്യമുക്ത നവകേരളം പദ്ധതിയുടെ അംബാസഡറാകാന്‍ സന്നദ്ധത അറിയിച്ച് ഗായകന്‍ എം.ജി ശ്രീകുമാര്‍. ഏപ്രില്‍ ഒമ്പതിന് ആരംഭിച്ച് 13ന് അവസാനിക്കുന്ന വൃത്തി 2025 ദേശിയ കോണ്‍ക്ലേവില്‍ പങ്കെടുക്കാന്‍ എം ജി ശ്രീകുമാറിനെയും ക്ഷണിച്ചെന്ന് മന്ത്രി എം.ബി രാജേഷ് അറിയിച്ചു. ഏപ്രില്‍ 9ന് മുഖ്യമന്ത്രി പിണറായി വിജയന്‍ കോണ്‍ക്ലേവ് ഉദ്ഘാടനം ചെയ്യും. സമാപന സമ്മേളനം ഗവര്‍ണര്‍ രാജേന്ദ്ര ആര്‍ലേക്കര്‍ ഉദ്ഘാടനം ചെയ്യും. അതേ സമയം, കുറച്ച് ദിവസങ്ങള്‍ക്ക് മുന്‍പ് എം.ജി ശ്രീകുമാറിന്റെ വീട്ടില്‍ നിന്ന് കായലിലേയ്ക്ക് മാലിന്യം വലിച്ചെറിഞ്ഞ ദൃശ്യങ്ങള്‍ …