ചെങ്ങന്നൂര്‍▪️ ജില്ലാ ആശുപത്രിയിലെ വനിതാ ഡോക്ടര്‍ക്കെതിരെ അന്യസംസ്ഥാന തൊഴിലാളികളുടെ ആക്രമണം. ഡോക്ടര്‍മാരും ജീവനക്കാരും പ്രതിഷേധത്തില്‍. ഒരാള്‍ പോലീസ് കസ്റ്റഡിയില്‍. ബുധനാഴ്ച (29) രാത്രി 10.15ഓടെ ജില്ലാ ആശുപത്രിയിലെ അത്യാഹിത വിഭാഗത്തില്‍ ഡ്യൂട്ടിയില്‍ ഉണ്ടായിരുന്ന ഡോ. നീരജ അനു ജയിംസിനെതിരെയാണ് അന്യസംസ്ഥാന തൊഴിലാളികള്‍ ആക്രമണം നടത്തിയത്. അപസ്മാര രോഗ ലക്ഷണങ്ങളോടെ അബോധാവസ്ഥയിലായിരുന്ന അന്യസംസ്ഥാന തൊഴിലാളിയായ ശരണ്‍ (44) എന്ന രോഗിയുമായാണ് പത്തംഗ സംഘം ആശുപത്രിയില്‍ എത്തിയത്. ഡ്യൂട്ടിയില്‍ ഉണ്ടായിരുന്ന ഡോ. നീരജ അനു ജയിംസ് രോഗിക്ക് പ്രാഥമിക ചികില്‍സ നല്‍കിയ ശേഷം വിദഗ്ധ ചികില്‍സയ്ക്കായി ഇവിടെ …

കേരള ഓര്‍ത്തോപീഡിക് അസോസിയേഷന്‍ (കെഒഎ) ഏര്‍പ്പെടുത്തിയ മികച്ച ബിരുദാനന്തര ബിരുദ വിദ്യാര്‍ഥിക്കുള്ള പ്രഫ. ടി.സി ജോസഫ് സ്വര്‍ണമെഡല്‍ നേടിയ ഡോ. ഫിലിപ്പ് പി. പുതുമന. തിരുവനന്തപുരം ഗവ. മെഡിക്കല്‍ കോളജില്‍ നിന്ന് എംഎസ് ഓര്‍ത്തോപീഡിക്‌സ് പൂര്‍ത്തിയാക്കിയ ഫിലിപ്പ് പി. പുതുമന ചെങ്ങന്നൂര്‍ പുതുമനയില്‍ ഡോ. ഫിലിപ്പ് പുതുമനയുടെയും ഡോ. ഷേര്‍ലി ഫിലിപ്പിന്റെയും മകനാണ്.

അമ്പലപ്പുഴ ▪️ആലപ്പുഴ വണ്ടാനം മെഡിക്കല്‍ കോളജ് ആശുപത്രിയില്‍ സൂപ്പര്‍ സ്‌പെഷ്യാലിറ്റി കെട്ടിടം മുഖ്യമന്ത്രി പിണറായി വിജയന്‍ ഉദ്ഘാടനം ചെയ്തു. ആരോഗ്യ കുടുംബക്ഷേമ രംഗത്ത് കേരളം മുന്‍പന്തിയിലാണെന്ന് മുഖ്യമന്ത്രി പറഞ്ഞു. കേരളം വളരെ കാലമായി ആവശ്യപെടുന്ന എയിംസ് കോഴിക്കോട്ട് തുടങ്ങുവാന്‍ കേന്ദ്ര സര്‍ക്കാര്‍ നടപടി എടുക്കണമെന്ന് പിണറായി വിജയന്‍ പറഞ്ഞു. നാടിനായി തുറന്ന് കൊടുത്ത മെഡിക്കല്‍ കോളജ് സൂപ്പര്‍ സ്‌പെഷ്യാലിറ്റി ബ്ലോക്കിന് ആവശ്യമായ ഡോക്ടര്‍മാരേയും ജീവനക്കാരേയും ഉടന്‍ നിയമിയ്ക്കുമെന്നും മുഖ്യമന്ത്രി പറഞ്ഞു. 2012ല്‍ രണ്ടാം യുപിഎ സര്‍ക്കാരിന്റെ കാലത്ത് കേന്ദ്ര സര്‍ക്കാരിന്റെ ആരോഗ്യ മന്ത്രാലയം അന്ന് …

ആലപ്പുഴ ▪️മല്ലപ്പള്ളിയില്‍ ഭക്ഷ്യ വിഷബാധയുണ്ടായ സംഭവത്തില്‍ ഭക്ഷണം വിളമ്പിയ ചെങ്ങന്നൂരിലെ കാറ്ററിംഗ് സെന്ററിന്റെ ലൈസന്‍സ് സസ്‌പെന്‍ഡ് ചെയ്തു. ഓവന്‍ ഫ്രഷ് എന്ന കാറ്ററിംഗ് സെന്ററിന്റെ ലൈസന്‍സാണ് ആലപ്പുഴ ജില്ല ആരോഗ്യ വിഭാഗം നടത്തിയ പരിശോധനക്ക് പിന്നാലെ സസ്‌പെന്‍ഡ് ചെയ്തത്. ഭക്ഷണ സാമ്പിളുകള്‍ ശേഖരിച്ചിട്ടുണ്ട്. അന്വേഷണം അവസാനിക്കുന്നത് വരെ സസ്‌പെന്‍ഷന്‍ നടപടി നിലനില്‍ക്കും. ഭക്ഷ്യ വിഷബാധ ഉണ്ടായ സംഭവത്തില്‍ കാറ്ററിങ് സ്ഥാപന ഉടമയ്‌ക്കെതിരെ കേസെടുത്തു. ചെങ്ങന്നൂര്‍ സ്വദേശി മനുവിനെതിരെയാണ് കീഴ്വായ്പ്പൂര്‍ പോലീസ് കേസെടുത്തത്. മായം ചേര്‍ക്കല്‍, പൊതു ശല്യം, എന്നീ വകുപ്പുകള്‍ പ്രകാരമാണ് കേസെടുത്തത്. ജാമ്യം …

ചെങ്ങന്നൂര്‍ ▪️ശസ്ത്രക്രിയയിലൂടെ 7 കിലോയിലേറെ തൂക്കമുള്ള ഗര്‍ഭാശയമുഴ പുറത്തെടുത്തു. കൊല്ലകടവ് സഞ്ജീവനി ആശുപത്രിയില്‍ നടന്ന ശസ്ത്രക്രിയയിലൂടെ  33കാരി യുവതിയുടെ വയറ്റില്‍ നിന്നും 7 കിലോയിലേറെ തൂക്കം വരുന്ന ഗര്‍ഭാശയമുഴ വിജയകരമായി പുറത്തെടുത്തത്. രണ്ടു മണിക്കൂറിലധികം ശസ്ത്രക്രീയ നീണ്ടുനിന്നു. സുഖം പ്രാപിച്ചു വരുന്ന രോഗിക്ക് അടുത്ത ദിവസം തന്നെ ആശുപത്രി വിടാനാകും. ഗൈനക്കോളജി സര്‍ജന്‍ ഡോ. പ്രേമ നായരുടെ നേതൃത്വത്തില്‍ നടന്ന ശസ്ത്രക്രിയയില്‍ അനസ്‌തേഷ്യാ വിഭാഗത്തിലെ ഡോ.ശ്രീലത .എസ്, നഴ്‌സുമാരായ ലിത, ശരണ്യ, ശിവാനന്ദന്‍, ചോതികുമാരി എന്നിവരും ഉണ്ടായിരുന്നു.

തിരുവനന്തപുരം▪️ വിഴിഞ്ഞം സമരം ഒത്തുതീര്‍പ്പാക്കാന്‍ സമവായ നീക്കങ്ങള്‍ സജീവം. ചീഫ് സെക്രട്ടറിയും ലത്തീന്‍ സഭാ നേതാക്കളുമായുള്ള ചര്‍ച്ചക്ക് മുന്‍കൈ എടുത്ത കര്‍ദ്ദിനാള്‍ ക്ലിമിസ് കാതോലിക്കാ ബാവ വൈകിട്ട് മുഖ്യമന്ത്രിയുമായി കൂടിക്കാഴ്ച നടത്തി. എന്തും സംഭവിക്കാവുന്ന സ്ഥിതിയിലേക്ക് വിഴിഞ്ഞം മാറിയതോടെയാണ് പല തട്ടിലെ അനുനയ നീക്കങ്ങള്‍. കര്‍ദ്ദിനാള്‍ ക്ലിമിസ് കാതോലിക്കാ ബാവ മുന്‍കെ എടുത്താണ് ചീഫ് സെക്രട്ടറിയും ലത്തീന്‍ രൂപതയും തമ്മിലെ ചര്‍ച്ചക്ക് കളമൊരുക്കിയത്. ആര്‍ച്ച് ബിഷപ്പ് തോമസ് ജെ. നെറ്റോ, സമരസമിതി ജനറല്‍ കണ്‍വീനര്‍ യൂജിന്‍ പെരേരെ എന്നിവര്‍ ചര്‍ച്ചക്കെത്തിയിരുന്നു. അതിനുശേഷം കര്‍ദ്ദിനാള്‍ ക്ലിമീസ് …

മാവേലിക്കര▪️ യൂണിവൈ സംസ്ഥാന കമ്മിറ്റിയുടെയും പരുമല ആശുപത്രിയുടെയും സംയുക്ത ആഭിമുഖ്യത്തില്‍ എയ്ഡ്‌സ് ദിനാചരണവും ബോധവല്‍ക്കരണ സെമിനാറും മാവേലിക്കര മാര്‍ ഇവാനിയോസ് കോളേജില്‍ നടന്നു. യൂണിവൈ സംസ്ഥാന അധ്യക്ഷന്‍ ലാബി പീടികത്തറയിലിന്റെ അധ്യക്ഷതയില്‍ കൂടിയ യോഗത്തില്‍ പരുമല ആശുപത്രി കണ്‍സള്‍ട്ടന്റ് ക്രിട്ടിക്കല്‍ കെയര്‍ മേധാവി ഡോ.ആന്റണി കല്ലിയാത്ത് ഉദ്ഘാടനം ചെയ്തു. ‘തുല്യമാക്കുക’ എന്ന മുദ്രാവാക്യമാണ് ഇത്തവണ ലോക എയ്ഡ്‌സ് ദിന പ്രവര്‍ത്തനത്തിനുള്ള ആഹ്വാനം. അസമത്വങ്ങള്‍ പരിഹരിക്കുന്നതിനും എയ്ഡ്‌സ് തടയുന്നതിന് സഹായിക്കുന്നതിനും ആവശ്യമായ ശാസ്ത്രീയമായി തെളിയിക്കപ്പെട്ട പ്രായോഗിക പ്രവര്‍ത്തനങ്ങള്‍ക്കായി പ്രവര്‍ത്തിക്കാന്‍ നമുക്കെല്ലാവര്‍ക്കും ഒരു പ്രേരണയാണിതും എയ്ഡ്‌സിനെ പ്രതിരോധിക്കാന്‍ …

ചെങ്ങന്നൂര്‍: ജില്ലാ ആശുപത്രിയിലെ നഴ്‌സിനെതിരെ ആര്‍എംഒ കള്ളപരാതി നല്‍കി എന്നാരോപിച്ച് നഴ്‌സുമാര്‍ പ്രതിഷേധ പ്രകടനം നടത്തി. ജില്ലാ ആശുപത്രിയിലെ നഴ്‌സായ ബിമലിനെതിരെ ആര്‍എംഒ ഡോ.ജിതേഷ് കെ.പിള്ള നല്‍കിയ കള്ളപരാതിയില്‍ സൂപ്രണ്ട് മെമ്മോ നല്‍കിയതിനെതിരെയാണ് കേരള ഗവ. നഴ്‌സസ് അസോസിയേഷന്റെ നേതൃത്വത്തില്‍ പ്രതിഷേധ പ്രകടനം നടത്തിയത്. കഴിഞ്ഞ ഒക്ടോബര്‍ 10ന് ഡോ. ജിതേഷ് കാഷ്വാലിറ്റിയില്‍ വന്നപ്പോള്‍ നഴ്‌സായ ബിമലിനെ കണ്ടില്ല എന്ന പേരില്‍ മാനസികമായി പീഡിപ്പിക്കുകയും നടപടിയെടുപ്പിക്കുമെന്ന് ഭീഷണിപ്പെടുത്തുകയും ചെയ്തിരുന്നു. ഇതിനെ തുടര്‍ന്ന് ഡോക്ടര്‍ക്കെതിരെ ബിമല്‍ ആശുപത്രി സൂപ്രണ്ടിന് പരാതി നല്‍കുകയും ചെയ്തു. ബിമല്‍ മരുന്ന് …

രാജ്യത്ത് പുതിയ ഒമിക്രോണ്‍ വകഭേദം സ്ഥിരീകരിച്ചു. ബിഎ.5.2.1.7 അഥവാ ബിഎഫ്.7 കണ്ടെത്തിയത് പുനെയിലാണ്. തുടര്‍ന്ന് രാജ്യത്ത് പരിശോധനയും നിയന്ത്രണവും കര്‍ശനമാക്കാന്‍ ആരോഗ്യമന്ത്രാലയം നിര്‍ദേശിച്ചു. അമേരിക്കയിലും യൂറോപ്പിലും വ്യാപകമായ വകഭേഭമാണ് ബിഎ.5.2.1.7 അഥവാ ബിഎഫ്.7. ലോകത്തിന്റെ വിവിധ ഭാഗങ്ങളില്‍ കൊവിഡ് പുതിയ ജനിതക വകഭേദം റിപ്പോര്‍ട്ടു ചെയ്ത സാഹചര്യത്തില്‍ കേരളത്തില്‍ പ്രതിരോധ പ്രവര്‍ത്തനങ്ങള്‍ ശക്തമാക്കിയതായി ആരോഗ്യ മന്ത്രി വീണാ ജോര്‍ജ് ഇന്നലെ അറിയിച്ചിരുന്നു. എല്ലാ ജില്ലകള്‍ക്കും ഇത് സംബന്ധിച്ച നിര്‍ദേശം നല്‍കിയിട്ടുണ്ട്. ഇതുവരെയുള്ള കൊവിഡ് വകഭേദങ്ങളില്‍ നിന്നും വളരെ വ്യാപന ശേഷിയുള്ളതാണ് പുതിയ വകഭേദം. അതിനാല്‍ …