പരുമല ▪️ ഒരു രൂപക്ക് ഹൃദയ പരിരക്ഷാ പാക്കേജുമായി പരുമല ഇന്റര്‍നാഷണല്‍ കാര്‍ഡിയോ തൊറാസിക്ക് സെന്റര്‍ ആന്‍ഡ് റിസര്‍ച്ച് ഇന്‍സ്റ്റിറ്റിയൂട്ട്. ഇന്‍സ്റ്റിറ്റിയൂട്ടിന്റെ വാര്‍ഷികാഘോഷത്തോടനുബന്ധിച്ച് 2500 രൂപ വില വരുന്ന കാര്‍ഡിയാക് ചെക്കപ്പ് ഒരു രൂപയ്ക്ക് നല്‍കികൊണ്ടുള്ള പ്രഖ്യാപനം പ്രശസ്ത സിനിമാതാരം  രമേശ് പിഷാരടി നിര്‍വഹിച്ചു. ഇസിജി, എക്കോ, ബ്ലഡ് ഇന്‍വെസ്റ്റിഗേഷന്‍, കാര്‍ഡിയോളജിസ്‌ററ് കണ്‍സള്‍ട്ടേഷന്‍ അടങ്ങിയ ഈ പാക്കേജിന്റെ കാലാവധി 2024 മെയ് 15 വരെയാണ്. ബസേലിയോസ് മാര്‍ത്തോമ്മാ മാത്യൂസ് തൃതീയന്‍ കാതോലിക്കാ ബാവ വാര്‍ഷികാഘോഷം ഉദ്ഘാടനം ചെയ്തു. നിരണം ഭദ്രാസനാധിപന്‍ ഡോ. യൂഹാനോന്‍ മാര്‍ …

ചെങ്ങന്നൂര്‍ ▪️ ജില്ലാ ആശുപത്രിയില്‍ പ്രവര്‍ത്തിക്കുന്ന കാരുണ്യ ഫാര്‍മസി, ബ്ലഡ് ബാങ്കിന് സ്ഥലം വേണമെന്ന പേരില്‍ മാറ്റാന്‍ നീക്കം. പാവപ്പെട്ട നൂറു കണക്കിന് രോഗികള്‍ കുറഞ്ഞ വിലയില്‍ മരുന്നുകള്‍ വാങ്ങുന്ന കാരുണ്യ ഫാര്‍മസി ആശുപത്രിയില്‍ നിന്നും മാറ്റാനുള്ള നീക്കം ആശുപത്രി മാനേജ്‌മെന്റ് കമ്മറ്റി ആരംഭിച്ചു. കഴിഞ്ഞ ദിവസം കൂടിയ എച്ച്എംസി യോഗത്തില്‍ ഇത് സംബന്ധിച്ച് തീരുമാനിക്കുകയും മറ്റൊരു സ്ഥലം കണ്ടെത്താന്‍ കാരുണ്യ ഫാര്‍മസിയുടെ ചുമതലക്കാരായ കേരളാ മെഡിക്കല്‍ സര്‍വ്വീസസ് കോര്‍പ്പറേഷന് കത്തയച്ചതായും അറിയുന്നു. 2014 ഫെബ്രുവരി 24ന് പഴയ ആശുപത്രി കെട്ടിടത്തില്‍ ആരംഭിച്ച കാരുണ്യ …

തിരുവനന്തപുരം ▪️ ഇന്‍ഷുറന്‍സ് കമ്പനികളുടെ ‘ക്യാഷ് ലെസ്സ് എവരിവെയര്‍’ എന്ന പദ്ധതിയുമായി കേരളത്തിലെ സ്വകാര്യ ആശുപത്രികള്‍ സഹകരിക്കില്ല. ഇന്‍ഷുറന്‍സ് കമ്പനികളുടെ കൂട്ടായ്മ ഒറ്റയ്‌ക്കെടുത്ത തീരുമാനമായതിനാല്‍ അംഗീകരിക്കേണ്ടതില്ലെന്നാണ് സ്വകാര്യ ആശുപത്രി മാനേജ്‌മെന്റ് അസോസിയേഷന്റെ തീരുമാനം. ചെലവാകുന്ന പണം ആശുപത്രികള്‍ക്ക് കൃത്യമായി തിരികെ കിട്ടുമോ എന്നുള്ള ആശങ്കയും നിലനില്‍ക്കുന്നുണ്ട്. ഒരു പണവും കൊടുക്കാതെ രോഗികള്‍ക്ക് ആശുപത്രിയിലെത്തി ചികിത്സ തേടി മടങ്ങാമെന്നും ഇന്‍ഷുറന്‍സ് കമ്പനികള്‍ ആശുപത്രികള്‍ക്ക് നേരിട്ട് പണം നല്‍കുമെന്നുമായിരുന്നു പുതിയ പദ്ധതി. രോഗികളെ സംബന്ധിച്ച് റീ ഇമ്പേഴ്‌സ്‌മെന്റിനായി കാത്തിരിക്കേണ്ടെന്നും ഈ പദ്ധതിയുടെ ഗുണമാണ്. കഴിഞ്ഞദിവസം പ്രാബല്യത്തില്‍ വന്ന …

തിരുവനന്തപുരം ▪️ ഡോക്ടര്‍മാരുടെ സ്വകാര്യ പ്രാക്ടീസില്‍ കര്‍ശന നിയന്ത്രണവുമായി സംസ്ഥാന സര്‍ക്കാര്‍. ഡോക്ടേഴ്‌സ് താമസിക്കുന്ന സ്ഥലത്ത് മാത്രമേ സ്വകാര്യ പ്രാക്ടീസിന് അനുമതിയുള്ളൂ. സംസ്ഥാനത്തെ മെഡിക്കല്‍ കോളജുകള്‍ ഒഴികെയുള്ള എല്ലാ ആശുപത്രികളിലെയും ഡോക്ടേഴ്‌സിന്റെ സ്വകാര്യ പ്രാക്ടീസിന് കര്‍ശന നിയന്ത്രണം ഏര്‍പ്പെടുത്തി ഉത്തരവ് പുറപ്പെടുവിച്ചു. ഡോക്ടര്‍ താമസിക്കുന്ന സ്ഥലമാണെന്ന് വ്യക്തമാക്കാന്‍ തദ്ദേശ സ്ഥാപന സെക്രട്ടറിയുടെ റെസിഡന്‍ഷ്യല്‍ സര്‍ട്ടിഫിക്കറ്റ് ആരോഗ്യ വകുപ്പില്‍ ഹാജരാക്കണം. ആശുപത്രി, മെഡിക്കല്‍ സ്‌റ്റോറുകള്‍ എന്നിവയോടും ചേര്‍ന്നും, വാണിജ്യ സമുച്ചയങ്ങളിലും ഉള്‍പ്പടെ നടത്തുന്ന സ്വകാര്യ പ്രാക്ടീസിന് പിടി വീഴും. അത്തരക്കാര്‍ക്കെതിരെ കര്‍ശന നടപടിയുണ്ടാകും.

തിരുവനന്തപുരം ▪️ സംസ്ഥാനത്തെ കൊവിഡ് കേസുകളില്‍ വര്‍ധന. മരണങ്ങള്‍ റിപ്പോര്‍ട്ട് ചെയ്യുന്നില്ലെങ്കിലും കിടത്തി ചികിത്സ വേണ്ടവരുടെ എണ്ണത്തില്‍ വര്‍ധനയുണ്ട്. പുതിയ വകഭേദമാണോ പടരുന്നത് എന്നറിയാന്‍ വിശദ പരിശോധന നടത്തും. കഴിഞ്ഞ രണ്ടാഴ്ചയായി കൊവിഡ് രോഗികളുടെ എണ്ണത്തില്‍ വര്‍ധനവ് ഉണ്ടെന്നാണ് കണക്ക്. ഒരു കൊവിഡ് കേസ് പോലും ഇല്ലാത്തിടത്ത് നിന്നാണ് കൊവിഡ് രോഗികളുടെ എണ്ണം രണ്ടക്ക സംഖ്യയിലേക്ക് എത്തിയത്. കാറ്റഗറി ബിയില്‍പ്പെട്ട രോഗികളെയാണ് ഇപ്പോള്‍ കണ്ടെത്തുന്നതില്‍ അധികവും. ലക്ഷണങ്ങളുമായെത്തുന്നവരില്‍ ശ്വാസകോശ സംബന്ധമായ പ്രശ്‌നങ്ങളും ഉണ്ടാകുന്നുണ്ട്. പ്രായമായവരിലും മറ്റ് അസുഖങ്ങള്‍ ഉള്ളവരിലും ആണ് രോഗബാധ കൂടുതല്‍. വാക്‌സിന്‍ …

ചെങ്ങന്നൂര്‍ ▪️ ജില്ല ആശുപത്രിയില്‍ പുതിയതായി ചുമതലയെടുത്ത ജൂനിയര്‍ പബ്ലിക്ക് ഹെല്‍ത്ത് ഇന്‍സ്‌പെക്ടറുടെയും ഉദ്യോഗസ്ഥരുടെയും സമീപനത്തിനെതിരെ ആശാ വര്‍ക്കേഴ്‌സ് യൂണിയന്‍ പ്രതിഷേധ സമരം നടത്തി. നിശ്ചയിക്കപ്പെട്ട ജോലികള്‍ക്ക് പുറമെ ആശുപത്രിയിലെ അധിക ജോലികള്‍ ചുമത്തുന്നതായും, വാര്‍ഡുകളിലെ സന്ദര്‍ശനം കഴിഞ്ഞെത്തുന്ന ആശാ പ്രവര്‍ത്തകരെ ആശുപത്രിയില്‍ വളരെ വൈകി നിര്‍ബന്ധിച്ചിരുത്തുന്നതായും പരാതി ഉണ്ട്. ഓണറേറിയം വെട്ടിക്കുറക്കുകയും, സബ് സെന്റര്‍ ഡ്യൂട്ടി അലവന്‍സ് തടഞ്ഞുവയ്ക്കുകയും ചെയ്യുന്നു. സെന്ററില്‍ പ്രവര്‍ത്തകര്‍ക്ക് വിശ്രമമുറി അനുവദിച്ചിട്ടില്ല. വേഷം സംബന്ധിച്ച് പരസ്യമായി അധിക്ഷേപിക്കുന്നതിലും പ്രവര്‍ത്തകര്‍ പ്രതിഷേധമറിയിച്ചു. യൂണിയന്‍ ചെങ്ങന്നൂര്‍ ഏരിയാ കമ്മിറ്റിയുടെ നേതൃത്വത്തില്‍ ആശുപത്രിക്ക് …

തിരുവനന്തപുരം ▪️ വവ്വാലുകളുടെ സാമ്പിളുകളില്‍ നിപ ആന്റിബോഡി സ്ഥിരീകരിച്ചെന്ന് ആരോഗ്യമന്ത്രി വീണ ജോര്‍ജ്. മരുതോംകരയില്‍ നിന്നുള്ള വവ്വാല്‍ സാമ്പിളുകളിലാണ് ആന്റിബോഡി കണ്ടെത്തിയത്. ഇക്കാര്യം ഐ.സി.എം.ആര്‍ മെയില്‍ വഴി അറിയിച്ചിട്ടുണ്ടെന്നും വീണാ ജോര്‍ജ് പറഞ്ഞു. ഇത് നിപയെ പ്രതിരോധിക്കുന്നതില്‍ വലിയൊരു മുതല്‍കൂട്ടാകുമെന്നാണ് ആരോഗ്യവകുപ്പ് അധികൃതര്‍ വിലയിരുത്തുന്നത്. 57 സാമ്പിളുകളില്‍ 12 എണ്ണത്തിലാണ് ആന്റിബോഡി സ്ഥിരീകരിച്ചത്. നിപയുടെ രണ്ടാം ഘട്ടം വലിയ രീതിയില്‍ ആളുകളെ ആശങ്കയിലാക്കിരുന്നു. ആദ്യഘട്ടത്തിലെ പോലെ കൂടുതല്‍ പ്രത്യാഘാതങ്ങള്‍ ഉണ്ടാകുമോ എന്നെല്ലാം പലരും ചിന്തിക്കുകയും ജനങ്ങള്‍ക്കിടയില്‍ ഇത് ഭീതി സൃഷ്ടിക്കുകയും ചെയ്തിരുന്നു. രണ്ടാമതും നിപ …

ചെങ്ങന്നൂര്‍ ▪️ 100 കോടി രൂപ ചെലവഴിച്ച് നിര്‍മിക്കുന്ന ചെങ്ങന്നൂര്‍ ജില്ലാ ആശുപത്രിയുടെ നിര്‍മാണം വരുന്ന ജൂണില്‍ പൂര്‍ത്തിയാകുമെന്ന് മന്ത്രി വീണാ ജോര്‍ജ് പറഞ്ഞു. ആശുപത്രി നിര്‍മാണ പുരോഗതി മന്ത്രി സജി ചെറിയാനൊപ്പം വിലയിരുത്തിയ ശേഷം സംസാരിക്കുകയായിരുന്നു മന്ത്രി. ആശുപത്രിയില്‍ എല്ലാ ആധുനിക സൗകര്യങ്ങളും ഒരുക്കും. കേരള മെഡിക്കല്‍ സര്‍വീസ് കോര്‍പ്പറേഷന്‍ ലിമിറ്റഡാണ് ഉപകരണങ്ങള്‍ ലഭ്യമാക്കുന്നത്. സാധാരണ 60 ശതമാനം നിര്‍മാണം പൂര്‍ത്തിയാകുമ്പോഴാണ് അവ ലഭ്യമാക്കുന്നത്. ചെങ്ങന്നൂര്‍ ജില്ലാ ആശുപത്രിയിലേക്ക് നേരത്തെ തന്നെ ഉപകരണങ്ങള്‍ ലഭ്യമാക്കി സമയബന്ധിതമായി പ്രവര്‍ത്തനം തുടങ്ങാമെന്നാണ് പ്രതീക്ഷിക്കുന്നതെന്ന് മന്ത്രി വ്യക്തമാക്കി. …

ആരോഗ്യ വകുപ്പിന്റെ കൂട്ടായ പ്രവര്‍ത്തനത്താല്‍ നിപയെ ചെറുത്ത് തോല്‍പ്പിക്കാന്‍ കഴിഞ്ഞെന്ന് മന്ത്രി വീണ ജോര്‍ജ്ജ്. രോഗം സ്ഥിരീകരിച്ചിരുന്ന നാല് പേരുടെയും ഫലം നെഗറ്റീവ് ആയത് ആശ്വാസമാണ്. നിപ രോഗമുക്തര്‍ ഐസൊലേഷനില്‍ കഴിയുന്ന ഇടങ്ങളില്‍ ആരോഗ്യ വകുപ്പ് കൃത്യമായ നടപടികള്‍ സ്വീകരിച്ചെന്നും ആരോഗ്യ മന്ത്രി പറഞ്ഞു. പഴുതടച്ചുള്ള പ്രതിരോധ പ്രവര്‍ത്തനമാണ് കോഴിക്കോട് നടന്നത്. രോഗ ലക്ഷണങ്ങള്‍ പ്രകടമാക്കിയവര്‍ക്ക് ഉടന്‍ തന്നെ പ്രതിരോധ മരുന്നുകള്‍ നല്‍കിയത് ഗുണം ചെയ്തു. നിപ സ്ഥിരീകരിക്കുന്നതിന് മുന്‍പ് ആരോഗ്യ പ്രവര്‍ത്തകര്‍ രോഗം പടരാതിരിക്കാനുള്ള നടപടികള്‍ കൈക്കൊണ്ടു. ഇത് രോഗ വ്യാപനം ഇല്ലാതാക്കിയെന്നും …

കോഴിക്കോട് ▪️ സംസ്ഥാനത്ത് ഇന്നും പുതിയ നിപ കേസുകള്‍ ഇല്ല. നിലവില്‍ ചികിത്സയിലുള്ള ഒമ്പത് വയസ്സുകാരനെ വെന്റിലേറ്ററില്‍ നിന്ന് മാറ്റിയെന്നും കുട്ടിയുടെ ആരോഗ്യനില മെച്ചപ്പെട്ടുവെന്നും ആരോഗ്യമന്ത്രി വീണാ ജോര്‍ജ് പറഞ്ഞു. സമ്പര്‍ക്കപ്പട്ടികയില്‍ നിലവിലുള്ളത് ആകെ 1233 പേരാണ്. കോഴിക്കോട് മെഡിക്കല്‍ കോളേജില്‍ 23 പേരാണ് ചികിത്സയില്‍ കഴിയുന്നത്. 36 വവ്വാല്‍ സാമ്പിളുകള്‍ ശേഖരിച്ചിട്ടുണ്ട്. അത് പൂനെ ലാബിലേക്ക് അയച്ചു. വീടുകള്‍ സന്ദര്‍ശിക്കുന്നത് തുടരുന്നുണ്ടെന്നും പുതിയ കേസുകള്‍ ഇല്ലാത്തത് ആശ്വാസകരമാണെന്നും മന്ത്രി മുഹമ്മദ് റിയാസും പറഞ്ഞു. രോഗബാധ ഒരു സോഴ്‌സില്‍ നിന്നു തന്നെ ആയതിനാല്‍ ആശങ്ക …