ചെങ്ങന്നൂര്‍ ▪️ ലോറിയും കാറും കൂട്ടിയിടിച്ച് കാര്‍യാത്രികരായ 5 പേര്‍ക്ക് പരിക്ക്.
എം.സി റോഡില്‍ ആഞ്ഞിലിമൂട് ജംഗ്ഷനു സമീപം ഇന്ന് രാവിലെ 6.26ന് ആയിരുന്നു അപകടം.
മൂവാറ്റുപുഴയില്‍ നിന്നും തിരുവനന്തപുരത്തേക്ക് പോയ കാര്‍ മറ്റൊരു വാഹനത്തിനെ മറികടക്കുവാന്‍ ശ്രമിക്കുന്നതിനിടയില്‍ തിരുനല്‍വേലിയില്‍ നിന്നും കൊച്ചിയിലേക്ക് പോയ ലോറിയില്‍ ഇടിക്കുകയായിരുന്നു.
കാറില്‍ 5 അംഗ കുടുംബമാണ് ഉണ്ടായിരുന്നത്. കാര്‍ ഡ്രൈവര്‍ക്ക് സാരമായ പരിക്കേറ്റു. മറ്റുള്ളവര്‍ക്ക് നിസാര പരിക്കുകളേറ്റു. കാറിന്റെ അമിത വേഗതയാണ് അപകടത്തിന് കാരണമെന്ന് പറയുന്നു.
