തിരുവനന്തപുരം ▪️ വിഴിഞ്ഞത്ത് പ്രതിസന്ധി തുടരുന്നു. ചൈനയില്‍ നിന്ന് വിഴിഞ്ഞം തുറമുഖത്ത് എത്തിച്ച ക്രെയിനുകള്‍ ഇതുവരെ ഇറക്കാന്‍ കഴിഞ്ഞില്ല.
ചൈനീസ് പൗരന്മാര്‍ക്ക് കപ്പലില്‍ നിന്ന് ബര്‍ത്തിലിറങ്ങാന്‍ കേന്ദ്ര സര്‍ക്കാരിന്റെ അനുമതി ലഭിക്കാത്തതാണ് കാരണം. അനുമതി ആവശ്യപ്പെട്ട് സംസ്ഥാന സര്‍ക്കാര്‍ കേന്ദ്രത്തിന് കത്തയച്ചെങ്കിലും എമിഗ്രേഷന്‍ ലഭിച്ചില്ല. പ്രശ്‌നം പരിഹരിക്കാന്‍ തീവ്രശ്രമം തുടരുകയാണ്.
വിഴിഞ്ഞത്ത് എത്തിയ കപ്പലിനെ ഔദ്യോഗികമായി സ്വീകരിക്കാന്‍ മുഖ്യമന്ത്രിയുടെ നേതൃത്വത്തില്‍ ഞായറാഴ്ച വിപുലമായ പരിപാടികള്‍ നടത്തിയിരുന്നു. എന്നാല്‍ കടല്‍ ശാന്തമായിട്ടും ഈ കപ്പലില്‍ നിന്നുള്ള ക്രെയിനുകള്‍ ഇറക്കാന്‍ ഇതുവരെ കഴിഞ്ഞിട്ടില്ല.
തുറമുഖ നിര്‍മ്മാണവുമായി ബന്ധപ്പെട്ട് ഏറ്റവും പ്രധാനപ്പെട്ട ഒന്നാണ് ഈ ക്രെയിനുകള്‍ സ്ഥാപിക്കുന്നത്. ചൈനീസ് പൗരന്മാര്‍ക്ക് ഇറങ്ങാന്‍ അനുമതി ലഭിക്കാത്തതാണ് കാരണം.
സംസ്ഥാന സര്‍ക്കാര്‍ കത്തെഴുതിയെങ്കിലും കേന്ദ്രത്തിന്റെ ഭാഗത്തുനിന്ന് ഒരു അനുകൂല മറുപടി ഇതുവരെയും ലഭിച്ചിട്ടില്ല. പശ്‌നം പരിഹരിക്കാനുള്ള തീവ്രശ്രമം തുടരുകയാണ്. കേന്ദ്ര സര്‍ക്കാരുമായി നിരന്തരം സംസ്ഥാന സര്‍ക്കാര്‍ ബന്ധപ്പെടുന്നുണ്ട്. അടുത്ത ദിവസങ്ങളില്‍ തന്നെ പരിഹാരമാകുമെന്ന പ്രതീക്ഷയാണ് സംസ്ഥാന സര്‍ക്കാരിനുള്ളത്.
