💐💐ഫാ. പി.വി എബ്രഹാമിന്റെ സംസ്‌കാരം 22ന്

ചെങ്ങന്നൂര്‍▪️ പരുമല സെമിനാരി മുന്‍ മാനേജര്‍ ഓതറ ആയക്കോട്ട് പീടികയില്‍ ഫാ. പി.വി എബ്രഹാം (94) ന്റെ സംസ്‌കാരം 21, 22 തീയതികളില്‍ നടക്കും.

21ന് വൈകിട്ട് മൂന്നിന് പരുമല പള്ളിയില്‍ ശുശ്രൂഷയ്ക്ക് ശേഷം വിലാപയാത്രയായി ഭൗതികശരീരം ഓതറ ദയറായില്‍ 5.30ന് എത്തിച്ചേരും. തുടര്‍ന്നുള്ള ശുശ്രൂഷയ്ക്ക് ശേഷം രാത്രി 7ന് ഭവനത്തില്‍ എത്തും.

22ന് രാവിലെ 7ന് വിലാപയാത്രയായി ഭവനത്തില്‍ നിന്നും ആരംഭിച്ച് മംഗലം സെന്റ് ജോര്‍ജ് ഓര്‍ത്തഡോക്‌സ് പള്ളിയില്‍ എത്തും. തുടര്‍ന്ന് കുര്‍ബാനയ്ക്കും ശുശ്രൂഷയ്ക്കും ശേഷം വൈകിട്ട് 3ന് ബസേലിയോസ് മാര്‍ത്തോമ മാത്യുസ് തൃതീയന്‍ കാതോലിക്കബാവയുടെ മുഖ്യകാര്‍മ്മികത്വത്തില്‍ സംസ്‌കാരം നടക്കും.

ബാഹ്യ കേരള ഭദ്രാസനത്തിന്റെ പ്രഥമ ഭദ്രാസന സെക്രട്ടറിയായി ദീര്‍ഘകാലം സേവനമനുഷ്ഠിച്ചു. പരുമല സെമിനാരി മാനേജരായി 1982 നവംബര്‍ മുതല്‍ 1995 ഒക്ടോബര്‍ വരെ 13 വര്‍ഷം സേവനമനുഷ്ഠിച്ചു. സഭ മാനേജിങ് കമ്മിറ്റി അംഗമായിരുന്നു.

പൂന ആര്‍മി സ്‌റ്റേഷന്‍ പ്രീസ്റ്റായി സേവനമനുഷ്ഠിച്ചു. ഇടമണ്‍, തെന്മല, ചോഴിയക്കോട്, കരവാളൂര്‍, ചെങ്ങമനാട് വില്ലൂര്‍, അടൂര്‍ കണ്ണങ്കോട്, തോനയ്ക്കാട്, കോഴിക്കോട്, കൊട്ടാരക്കര കിഴക്കേതെരുവ്, ഉളിയനാട്, തിരുവനന്തപുരം പാളയം തുടങ്ങി കേരളത്തിനകത്തും, പൂന, കഡ്കി, പൂന ആര്‍മി സ്‌റ്റേഷന്‍, നിലഗിരി, കോയമ്പത്തൂര്‍, ബാംഗ്ലൂര്‍, സിംഗപ്പൂര്‍, മലേഷ്യ, ഹൈദരാബാദ്, സെക്കന്ദരാബാദ്, മദ്രാസ് തുടങ്ങി കേരളത്തിന് പുറത്തും വികാരി ആയിട്ടുണ്ട്.