ചെങ്ങന്നൂര്‍▪️ കോഴിക്കോട് നടന്ന സംസ്ഥാന സ്‌പെഷ്യല്‍ ഒളിമ്പിക്‌സ് കായികമേളയില്‍ ചെങ്ങന്നൂര്‍ ലില്ലി ലയണ്‍സ് സ്‌പെഷ്യല്‍ സ്‌കൂള്‍ ആന്‍ഡ് വൊക്കേഷണല്‍ ട്രെയിനിംഗ് സെന്ററിലെ വിദ്യാര്‍ത്ഥികള്‍ വിവിധ മത്സരയിനങ്ങളില്‍ 12 മെഡലുകള്‍ നേടി.
അയ്യായിരത്തോളം ഭിന്നശേഷി വിദ്യാര്‍ത്ഥികള്‍ പങ്കെടുത്ത കായിക മേളയില്‍ ലില്ലി സ്‌കൂളിനെ പ്രതിനിധീകരിച്ച് ഏഴ് വിദ്യാര്‍ത്ഥികള്‍ പങ്കെടുത്തു.
50, 100, 200 മീറ്റര്‍ ഓട്ടത്തിലും, ഷോട്ട്പുട്ടിലുമായാണ് പന്ത്രണ്ട് മെഡലുകള്‍ നേടിയത്. ആല്‍ബിന്‍ ജോര്‍ജ്, ആര്‍. രാഹുല്‍, വിജയ് ഡാനിയല്‍, ആശിഷ് സുധീഷ്, സി.കെ ശരത്, നിഖില്‍ ഫിലിപ്പ്, ആര്‍. സച്ചിന്‍ എന്നിവരാണ് ജേതാക്കളായത്.
ലില്ലിയിലെ കായിക പരിശീലകന്‍ കെ.വി ഷിബി, തെറാപ്പിസ്റ്റ് വി.എക്‌സ് മഞ്ജു എന്നിവരുടെ നേതൃത്വത്തിലാണ് വിദ്യാര്‍ത്ഥികള്‍ പങ്കെടുത്തത്.
