🟨 കഴിഞ്ഞ ദിവസങ്ങളില്‍ ശബരിമല സ്‌പെഷ്യല്‍ സര്‍വീസ്‌നൊപ്പം മറ്റ് സര്‍വീസുകള്‍ മുടക്കമില്ലാതെ നടത്തിയിരുന്നു
തിരുവനന്തപുരം▪️ കെഎസ്ആര്‍ടിസിയുടെ പ്രതിദിന വരുമാനം സര്‍വകാല റെക്കോര്‍ഡില്‍.
കഴിഞ്ഞ തിങ്കളാഴ്ച പ്രതിദിന വരുമാനം 9.22 കോടി രൂപയിലെത്തി. കഴിഞ്ഞ വര്‍ഷം ഡിസംബര്‍ മാസം 23ന് നേടിയ 9.06 കോടി എന്ന നേട്ടമാണ് ഇപ്പോള്‍ മറികടന്നിരിക്കുന്നത്.
കഴിഞ്ഞ ദിവസങ്ങളില്‍ ശബരിമല സ്‌പെഷ്യല്‍ സര്‍വീസ്‌നൊപ്പം മറ്റ് സര്‍വീസുകള്‍ മുടക്കമില്ലാതെ നടത്തിയിരുന്നു. അതിനൊപ്പം കടുത്ത നഷ്ടത്തിലുള്ള ട്രിപ്പുകള്‍ ഒഴിവാക്കിയതും ചെലവ് ചുരുക്കി നേട്ടം ഉണ്ടാക്കാന്‍ സഹായിച്ചു.
മുന്‍കൂട്ടി ഓണ്‍ലൈന്‍ റിസര്‍വേഷന്‍ സംവിധാനം ഏര്‍പ്പെടുത്തി ക്യത്യമായ പ്ലാനിംഗോടുകൂടി വെള്ളി, ശനി, ഞായര്‍ ദിവസങ്ങളില്‍ അഡീഷണല്‍ സര്‍വീസുകളും വീക്കെന്‍ഡ് സര്‍വീസുകളും നടത്തിയത് യാത്രക്കാര്‍ക്ക് ഏറെ ഗുണകരമായി.
ശബരിമല വരുമാനത്തില്‍ കഴിഞ്ഞ വര്‍ഷത്തെക്കാള്‍ ഗണ്യമായ കുറവ് ഉണ്ടായിട്ടും ആകെ വരുമാനത്തില്‍ 20 ലക്ഷത്തോളം രൂപ കഴിഞ്ഞ വര്‍ഷത്തേക്കാള്‍ അധികം ഉണ്ടായിയെന്നതാണ് നേട്ടത്തിന്റെ തിളക്കം കൂട്ടുന്നത്.
